掃呢頁CODE去手機

2014年8月21日 星期四

[壹週刊 1276] 鄭嘉穎示範公德扯煙 鄭嘉穎,M1,




扯煙扯到面都凹晒,鄭嘉穎吸煙,一啲都冇嘥。

同你吟一吟

鄭嘉穎示範公德扯煙

俾李寶安十二道金牌召返無綫拍劇嘅鄭嘉穎,連踩兩個幾月,新劇《天眼》終於殺科,唔使捱住眼瞓,過四十五歲(八月十五日)生日。

企街上電,鄭嘉穎全程黐住垃圾筒唔走,又冇將煙灰周圍彈,有公德心。

還完劇債還片債,已經埋位拍緊張堅庭復出執導新片《貧窮富爸爸》嘅鄭嘉穎,上星期六(十六日)喺九龍城街市附近出現,不過佢唔係買餸,只係黐住個垃圾筒,企街食煙。

吞雲吐霧,個個唔同格,鄭嘉穎屬於大力索嗰款,索到面肉凹晒,扯到好深。不過有樣嘢要讚,唔少煙民就算响垃圾筒附近 BBQ,都照樣將煙灰四圍彈,但鄭嘉穎唔係,公德滿分。頭一次,八珍自願俾個 like你。

食煙皮膚易缺水,但鄭嘉穎有護膚品牌無限供應,冇有怕。

鄭嘉穎同劉心悠一一年合作《步步驚心》爆紅內地,二人最近再合作拍新片《貧窮富爸爸》,希望再喺祖國掘一筆。



鍾意就快D Share啦!