掃呢頁CODE去手機

2014年8月21日 星期四

[壹週刊 1276] 等一個家庭 陳靜 陳靜,美女o靚模,M1,




好男好女

等一個家庭 陳靜

娛樂圈最忌講愛情,怕講咗被傳媒跟踪、追訪,戀情不得善終。「百果園 E神」陳靜卻主動在公開活動中開心 share,話記者知在上海有個彼此了解中、做金融業的男性朋友。不怕戀情幼苗見光死?她漫不經心說:「我個人都好老實,無需要收收埋埋,我都想大家祝福。」單身三年多的她的確想拍拖了,「我以前就唔想,想工作行先,但經理人(施念慈)好錫我,鼓勵我要有感情生活,對演感情戲可能有幫助。」

廿五歲的她,下個目標是家庭、事業兩者兼得,「我覺得我係一個遇到啱嘅,會閃婚的人,我自己希望事業和家庭可以兩全其美,我都想組織家庭,最好兩樣嘢都兼顧到,可以將時間俾多啲屋企人。」

不要富商

陳靜( DaDa)的新發展對象是金融業打工仔,問她怎不揀個有錢的?「我自己睇緣分,無特定話擇偶條件要點。人大咗,經歷多咗,(男友)最緊要善良,錫屋企人,思想、方向一致。」她的新發展對象是在上海工作的香港人, DaDa又經常飛上海,結果被理解為她去瘟仔, DaDa笑住話:「唔係,我飛上海係探婆婆,都會同佢見面,但唔係一齊(拍拖),係了解緊。」她與外婆感情深厚,近年外婆身體愈來愈差, DaDa一有時間便去探她,「我喺香港出世,父母離咗婚,法庭判咗我俾媽咪,媽咪要搞生意開美容院,變咗我兩、三歲左右喺上海由婆婆湊,所以會特別親。」每次返上海,外婆、外公會做她喜歡的八寶飯、酒釀丸子和包餃子給她吃。

DaDa珍惜和家人相處的時光,但去年嫲嫲過身,令 DaDa不能釋懷,心內種種鬱結一次過爆發出來,令剛拿了電影金像獎最佳女配角不久的她,突然宣布退出。「因為之前嫲嫲離開,嗰段時間好內疚,因為工作關係無去陪佢,好後悔,有啲嘢錢係買唔到,唔好諗住遲啲遲啲,要做就要即刻做。」

所以,她想落實今年和家人去旅行,「早幾年事業行先,忽略咗屋企人和生活,呢一年時間分配得平衡啲,注重和家人、朋友相處,係開心咗,今年想和家人去旅行。」病情痊癒了?「無食藥了,好健康,成日做運動,比以前勤力咗。」

陳靜去年憑《低俗喜劇》奪最佳女配角殊榮。(《蘋果日報》圖片)

典型白羊座

DaDa是白羊座,有說白羊座女生性格衝動,為人率直。其實由 DaDa自爆戀情、再回看她突然宣布退出,完全體現了白羊座的特質。她笑說:「以前無遇過人生的起伏,遇到困難時,學到多面睇咗,更珍惜往後每個機會。」畢竟 DaDa十七歲便出來做模特兒,賺的是 easy money,○八年和陳柏宇拍百果園廣告打出名堂,做模特兒其實只為幫補零用,「細個屋企環境 OK,我無壓力,媽咪都錫我,佢一個女人獨力湊大我,自己覺得更加要生性,拍廣告擺吓 pose,笑吓,收入已不錯,賺幾萬蚊,又可以扮靚,覺得啲錢幾易搵所以入咗行。」

DaDa想試唔同類型角色,「如癌症、社會反現象。」而她下一齣電影便是飾演唐伯虎中的石榴姐。

DaDa和經理人施念慈感情要好。

性感到極限

DaDa說偶像是劉德華,希望有機會和他合作。

最激時, DaDa不介意行性感、拍寫真,但這段日子已經過去。「我影過寫真集,性感過,到而家我都覺得是我一部分,演戲角色和我現實分得好清,大家覺得我形象性感,私底下我完全唔係咁,我係勁密實,勁 casual,演出嚟嗰個係角色。」之後是否封胸?「我唔係完全唔接性感、核突戲,但我希望攞個平衡,我會先選擇其他角色,太類似之前拍過、或無乜發揮嘅角色就無必要演。」 DaDa在下齣電影《唐伯虎之衝上雲霄》(暫定),會飾演石榴姐,「以前苑瓊丹演嘅石榴印象好深刻,我第一次做古裝,演呢個角色好開心,希望俾一個新嘅石榴同大家見面。」齋賣性感的戲, DaDa說不會再接,「如果有得發揮我唔介意性感。」但 DaDa預告性感已到極限,「一定唔會有更加大的突破,因為我係重家庭觀念的人,可能媽咪婚姻唔好,我更想自己的家庭是好好,一定要有完整屋企,呢個係我由細到大的期望,人大咗,我都會為將來打算,所以每行一步要諗將來。」

四年前,一班女仔同期出道,陳靜(前)突圍而出,成功彈出。

七歲的她。

兒時的 DaDa(左)和家姐合照。

陳靜以性感形象拍攝道地百果園西瓜汁廣告。



鍾意就快D Share啦!