掃呢頁CODE去手機

2014年8月15日 星期五

艷舞斷銀根 馬賽哭訴:大半年靠屋企 馬賽,




艷舞斷銀根 馬賽哭訴:大半年靠屋企





其他影片:>>







封嘴拒談汪子琦「證供」馬賽「因果」佛偈贈舊愛
【情趣馬賽克之經濟困境】馬賽艷舞片上月在網上瘋傳,她於記者會後潛水20日昨日再度現身,在佐敦行騷搵銀。自揭患有抑鬱症的她受訪時,提起無工開經濟陷困境即忍不住爆喊,透露休假期間要返內地避世,生活使費更由父母接濟。對於舊愛汪子琦和富婆Laura狂轟她大話連篇,馬賽以佛偈回應「萬法皆空,因果不空」,似暗寸有人難逃因果循環。
現年26歲的馬賽去年硬撬內地富婆Laura牆腳,搭上TB製片汪子琦玩斷背,上月網上突瘋傳馬賽艷舞片,純純兔形象徹底破產。還以為馬賽會被無綫無限期雪藏,但昨日她已獲「放生」,與楊思琦、姚子羚等在佐敦出席時裝活動,吸引半百傳媒採訪。

馬賽由好姊妹姚子羚傍住打頭陣出場,穿上短裙行騷,化上濃妝的她難掩面部浮腫及暗瘡。馬賽行騷時全程笑容生硬,壓軸亦由她負責,並與老闆開香檳慶祝,交足功課。完騷後,她由經理人陪同受訪,一開始便雙手合十,向現場傳媒講對唔住。訪問過程長達13分鐘,馬賽幾乎有問必答,只是提起汪子琦和Laura即煞有介事,內容如下:


■馬賽昨日出席時裝騷,忍淚接受訪問,提到經濟問題時一臉愁容。


■提起經濟陷困境,馬賽忍不住眼淚直流。


■馬賽以佛偈「萬法皆空,因果不空」,回敬汪子琦和Larua的種種指控。資料圖片


■獲放生的馬賽,出場時晒腿心情靚。
馬:馬賽 記:記者

記:൱家心情點?係咪好緊張?

馬:(合十雙手)對唔住,搞到你哋(記者)咁辛苦,多謝大家關心,多謝經理人同Elaine(姚子羚)喺後台鼓勵我。呢個工作一早接咗,我有責任出席,係藝人操守,提醒自己要努力做好,感謝公司同客戶冇因嗰件事取消,感恩畀機會我。

記:有冇接其他工作?

馬:暫時冇。樂小姐(樂易玲)提議我返內地同屋企人住,呢排發生好多事,令家人擔心,想盡量返屋企陪佢哋。好對唔住,件事影響好多人,同事、家人、朋友同埋一班我好尊重嘅前輩,好抱歉,都想同佢哋講對唔住。
唔回應被指撬牆腳

記:係咪想同松哥(劉松仁)講?係咪真係傳過曖昧短訊畀對方?

馬:連累好多人,唔止松哥,好多尊重嘅前輩都俾我嘅私事影響,真係好對唔住!

記:係咪真係發過?

馬:陳詞證供講得好清楚,自己冇擁有條片,亦冇傳過畀任何人。൱家香港警方重案組都介入,自己有律師團隊,香港個人資料私隱專員公署都調查緊件事,香港係法治社會,相信公義法律保護到每個公民。

記:最受傷同最介意係咪私人性事被公開?

馬:我自己根本唔敢睇訪問,其他人講乜、做乜我控制唔到,如果一段錯誤感情,有一個咁災難性嘅結果,我係一個成年人自己要承擔,最Sorry係影響到擔心我嘅人。

記:Laura話你明知佢哋結咗婚都撬牆腳?

馬:我自己唔敢睇呢段新聞,冇回應,因為控制唔到。

記:係咪好恨佢哋?

馬:(眼濕濕)我想以我嘅例子同所有女仔講,一定要識保護自己,自己得到好大教訓,交朋友要慎重,喺重大選擇時候要聽屋企人、長輩說話,唔可以自以為是,唔好任性,因為後果可能好嚴重。

記:好後悔識咗佢哋?

馬:半年前喺機緣巧合下信佛,相信好多嘢要認命。

記:汪子琦話你主動跳艷舞畀佢睇?

馬:我信佛,佛教有句說話「萬法皆空,因果不空(意解:有乜人逃得過因果循環的業緣)好多嘢唔一定追求結果同答案,因果會畀到答案,信佛係一個得着。
有食藥平復心情

記:律師暗示你想做儍事?有諗過自殺?

馬:(扁嘴)呢段時間好難捱,自己乜都冇去睇,冇去想,好彩好多朋友、同事畀好多鼓勵同支持,知道無論發生乜嘢事,都唔可以傷害自己。

記:൱家睇緊精神科?

馬:由今年一月開始睇醫生,之前有抑鬱,好難捱得過去。

記:艷片流出使唔使加重藥物份量?

馬:有食幫助平復心情嘅藥,我好多時都會(抑鬱),但冇研究乜嘢病。我信佛,有朋友支持,點都會過。

記:經濟係咪陷困境?

馬:(眼淚直流)呢一年,我有大半年都係靠屋企,律師費係屋企人畀(用紙巾狂抹眼淚),好感激佢哋。

記:汪子琦話你兩母女貪錢,要求六百萬同買樓?

馬:(避談冇回應)

記:繼續停工?

馬:係,等公司安排,呢段時間讀課程增值自己。

記:有冇聯絡汪子琦同Laura?

馬:冇聯絡。

做完整個訪問後,馬賽即擰轉面不停抹眼淚,之後由後門離開,乘坐租用的七人車返回將軍澳清水灣半島住所。

採訪:溫敏芝、徐錦池、李志明

攝影:陳志嵐


■馬賽在台上全程帶笑,與品牌高層飲香檳,又與楊思琦(左)寒暄。
汪子琦作詩:害群之馬伴樂行

馬賽和汪子琦的恩怨情仇停不了,昨日馬賽復工行騷,提到同性舊愛汪子琦時只以佛偈「萬法皆空,因果不空」來回應,似暗寸因果有報應。汪子琦昨日以WhatsApp回覆本報,作詩反擊馬賽:「當沒有任何人可以被利用和擺上台的時候,居然擺佛祖上台!褻瀆神靈是一定會有報應的!最後送首詩給她和她幕後出垃圾招數的人,『害群之馬伴樂行,淫雨毒霧繞綺雲,欺心作惡褻神明,報應辱祖見自身!』謝謝!」

採訪:皓騫


鍾意就快D Share啦!