2014年9月5日 星期五

[忽然1周 997] 金賢重 原來是惡男 金賢,MW,




我拳頭好硬㗎!(設計對白)

亞熱帶

金賢重 原來是惡男

人真係不可以貌相。外表斯斯文文嘅周永恒可以一拳打到老婆趙頌茹下巴縫 5針,演出韓版《花樣男子》一炮而紅嘅前韓國組合 SS501主唱兼隊長金賢重,同樣爆出毆打女友到嚴重骨折被起訴。消息一出,不單粉絲震驚,亦哄動整個韓國藝能界。

據悉金賢重於 5月及 7月中旬多次向女友拳打腳踢,導致女友臉、胸及手臂等多處受傷,最傷一次係 7月,金將女友右側肋骨打到骨折,須入院個半月,最終女友忍無可忍控告金。睇唔出外表斯文好仔嘅金賢重,原來係惡男一名。

自稱為「宇宙神」嘅金賢重,出道以來幾乎零緋聞,卻原來於兩年前開始秘密拍拖(最好笑係連經理人都係喺發生打人事件後,先知佢原來有女友)。惟近年金被女友發覺跟其他女性搞曖昧及劈腿,兩人為此經常爭執。

2014年《感激時代》

暴力男:金賢重喺近作劇集《感激時代》入面做暴力男,不停要打。估唔到現實原來一樣咁好打。

現身警署

金賢重忙完巡演後,於周二( 2號)由經紀人及律師陪同現身警署,接受首次調查。

5月到 7月,衝突更厲害。 7月中,兩人演出全武行,金賢重更重手將女友右側肋骨打斷,須留醫六星期。女友無法忍受下,於 8月 19號到首爾松坡警局報案。據講松坡警局於 22號承認受理金賢重傷人案件。若案情屬實,金賢重有可能被判 7年以下有期徒刑、或最高罰款 1千萬韓圜(約港幣 7萬 6千蚊)。

金賢重以組合 SS501出道,為組合主音及隊長, 09年憑《花樣男子》尹智厚一角走紅,其後單飛簽約 Keyeast,成為裴勇俊旗下藝人。舊年年尾完成新劇《感激時代》(剛於年初喺韓國播畢)後,他即忙於巡迴演唱會。本來人氣持續急升,如今卻爆出「有女友兼施暴」,睇怕佢苦心經營嘅優質偶像形象摧毀,一鋪清袋。

有眼利記者發覺,金賢重 7月初去台灣表演時左手完好無傷痕,但月底在上海演出時,卻發現他左手中指有瘀痕。懷疑是向女友施暴時造成。

女友公開驗傷報告

上周五( 8月 29日),金賢重女友向警方提交於 5月 30日被金賢重毆傷及驗傷報告於網上曝光。喺圖片睇到,金女友傷勢真係幾嚴重。

金賢重於暴力醜聞後如常去泰國開騷, 30號則去廣州開見面會。原定今年 10月入伍嘅佢,日前竟然向國防部申請推遲入伍,理由唔係暴力事件,反而話要開世界巡演。但申請未獲國防部批准。

同性戀疑雲

金賢重出道以來,緋聞唔算多,唯一令人樂道嘅,反而係因當年簽約裴勇俊後,兩人形影不離而傳出被裴「包養」。

金賢重外表斯文靚仔,實則都係夜蒲一族。 09年就被發現跟 SS501隊友許永生秘密來港夜蒲,並拍得與兩索女會合後,坐的士離開(右)。

韓國打女王

金賢重毆打女友震驚韓國,事實上韓國藝能界唔少「家暴男」,惟家暴事件後,動粗者星途就似咁,冇運行。

李敏英

06年 12月,演員李敏英被奀茄老公李燦打到頭青面腫、鼻樑骨被打斷,最嚴重係被打到流產。

金來沅

11年 9月,憑劇集《食客》走紅嘅金來沅,喺清潭洞夜店毆打該店女職員,最後雙方私下平息。但事件傳出後,網友炮轟金身為男人不應郁手打女人。此後,金來沅演藝事業跌落谷底零收入。

柳時元

13年 9月,柳時元結婚唔夠兩年,老婆趙秀仁申請離婚,導火線係柳向趙秀仁施暴毆打。經警方調查後,柳時元被判罰款約港幣 5萬蚊。柳時元本為韓國財閥家族後人,暴力醜聞後,對家族及其自身人氣均大受影響。



鍾意就快D Share啦!
Related Posts Plugin for WordPress, Blogger...