2014年10月3日 星期五

[忽然1周 1001] 搭上台灣名設計師  LuLu澳門豪賭過千萬 LuLu,董嘉儀,MW,




一枱籌碼

陳科維手風不順,輸了幾百萬,之後換 LuLu上陣,她手氣甚好,反贏一千萬。枱上大戙籌碼,好豪氣。

娛樂喧

搭上台灣名設計師  LuLu澳門豪賭過千萬

近日𡃁模個個識黐,繼 Mandy Lieu成功攻陷澳門賭場猛人洗米華後,曾與余文樂傳緋聞的王璐瑤( LuLu),話就話被狠飛後轉性向,不過,現實卻是姣婆守唔到寡。

據知 LuLu近日秘密搭上台灣高富帥名時裝設計師陳科維,陳不但是明星御用設計師,更有賭場背景。被有米富豪包起的 LuLu,近日更頻頻與男友出現澳門凱旋門貴賓賭廳豪賭,為盡興,兩人更索性在 Banyan Tree酒店過夜。由於男友的關係,澳門最近出現大量王璐瑤任網上賭場寶馬會代言人的廣告。有個富貴男友背後發功, LuLu富貴三級跳。








余文樂傳緋聞的𡃁模 LuLu,曾自爆遭靚仔男星拋棄,令她對男人失去信心,又自稱被圈中一線女星狂追。不過上月 16日,她卻被發現與一位身高超過 180公分的型男入賭廳豪賭。

目擊者透露︰「個男人叫陳科維,係設計師嚟。佢同賭場嘅人好熟,每次賭親都好闊綽,嗰晚佢埋枱已準備咗差唔多千五萬籌碼,賭咗成粒鐘,連輸好幾鋪,之後佢行開咗,叫 LuLu代佢上陣。 LuLu全晚手氣唔錯,連贏好多鋪,玩了兩小時多,本來差不多輸了五、六百萬的籌碼,被 LuLu反贏千萬!」

上月 16日, LuLu與陳科維到澳門賭場的貴賓廳賭錢。

上房 happy

最後陳科維攬住 LuLu,和她一起返回酒店上房,繼續下半場。

珠寶慰勞

陳科維見女友幫自己贏錢,翌日 17日便帶 LuLu到珠寶店掃貨,卒之買咗價值過百萬的珠寶俾 LuLu。

豪賭完酒店過夜

贏了過千萬後, LuLu與陳科維更齊齊直上 Banyan Tree酒店房疏乎。翌日下午約 5時,兩人才施施然步出酒店,直接坐上 super car勞斯萊斯,到四季酒店的珠寶店購物。二人逗留了 40分鐘後,才有說有笑地離開,陳科維更邊行邊輕撫 LuLu腰間, LuLu狂嗲男友。

據知 LuLu是半年前透過一個賭場朋友的飯局認識陳科維,兩人一撻即着,而男方因為有澳門賭場背景,立即帶挈女方以六位數字接拍網上賭廳寶馬會的廣告。 LuLu黐到富貴男友後,更入住月租 3萬元的銅鑼灣酒店式公寓 J Plus,兼且一身名牌、名錶。

陳科維是網上賭場「寶馬會」股東,在他引線之下, LuLu收 6位數字成為該賭場代言人,近日澳門街頭出現了不少她代言的廣告。他更為 LuLu搞形象,圖中的金色露背裝,就是他設計,價值七萬元。

突然富貴買名錶

本周一( 29日), LuLu架上黑超、一身黑裙從銅鑼灣 J Plus公寓離開,看她一身黑色打扮,以為她湊熱鬧佔中,原來她是去買錶。一向收入不多的她,竟孭住價值 11萬的 Hermès袋,走入錶行買名錶,其間她不停試戴,仲要唔貴唔試。最後左揀右揀, LuLu終於掃走一隻價值 21萬的愛彼女裝錶,非常豪爽。

記者上前訪問, LuLu風騷認釣到金龜。問到全身黑衫是否支持佔中,她表示只是咁啱,其實她是支持反佔中的。

記︰頭先買乜呀?

L ︰買禮物俾媽咪咋。(隻錶成廿幾萬)冇……識朋友有折!

記︰影到你去澳門同台灣富豪陳科維過夜。

L ︰吓?有其他朋友喺度,佢唔係咩富豪,係時裝設計師,幫好多名媛設計衫,我好欣賞佢。

記︰你哋點認識?

L︰之前幫澳門寶馬會拍咗個廣告,佢幫我設計條裙!

記︰男友帶挈你做廣告代言人?

L︰哈哈!要多謝佢……(係咪拍拖?)可以話係了解中……

記︰算唔算釣到金龜?

L ︰女仔都想搵到個經濟上照顧到自己嘅男朋友,但我係欣賞佢嘅才華同細心。

𡃁模 LuLu強調自己講心唔講金,真係信不信由你。

一身名牌

LuLu雖然打扮隨意,但她的 Hermès手袋價值 11萬,仲未計她新買的 21萬名錶。面對這名熟客,名店售貨員難怪四萬咁口,仲送到出門口。

豪買名錶

周一( 29日), LuLu又獨自進入銅鑼灣一間名錶行睇錶,用了 30分鐘,她就碌卡掃走一隻價值 21萬女裝愛彼錶。

LuLu現居於銅鑼灣月租三萬的酒店式公寓 J Plus, J Plus由大師 Philippe Starck設計,極具氣派。

𡃁模黐猛人

近年不少賭業富豪投資娛樂事業,所以𡃁模為了工作機會,甚至是搵長期飯票,都轉黐賭場猛人。

Mandy Lieu

混血名模 Mandy Lieu去年忽然斥資 7位數字開模特兒公司,又任《愛•尋•迷》女主角。有傳她搭上已有家室的賭場猛人「洗米華」周焯華,而《愛•尋•迷》的投資者亦是周焯華揸 fit的太陽娛樂文化。

藍莓

名士風流,去年周焯華亦被本刊發現跟劉俐(藍莓)在澳門上酒店,不過事後女方堅稱當日只是傾電影合作。

DaDa

陳靜( DaDa)去年突然宣布退出娛圈,當時盛傳一名賭場猛人戀上她,並願為她賠償解約金。兩人感情快來快去,陳靜最終亦復出幕前。

台灣筍盤

同 LuLu共度春宵的陳科維是台灣人,現年 34歲,是台灣著名時裝設計師, Alexander King Chen品牌創辦人。藝人蔡依林、范曉萱、陳妍希都是他的捧場客。曾任壹電視實境節目《 Rich and Famous》主持人,在 2010年被封為「黃金單身漢」,現在他亦是外國賭博網站「 bmw68.com」的股東。



鍾意就快D Share啦!
Related Posts Plugin for WordPress, Blogger...