掃呢頁CODE去手機

2014年10月9日 星期四

[壹週刊 1283] 剃出去  Jessica C除淨斗零邊 Jessica,Jessica C,M1,




探熱針

剃出去  Jessica C除淨斗零邊

Jessica C向來大方不收埋,不過警鐘胸再響亮,有遮有掩始終隔一層;新片《屍城》中, Jessica C終於豁出去,性感大解放,要剝淨一條 XXS碼斗零邊底褲上陣的她,為求完美及個人尊嚴,事先做足準備,唔係黐膠紙,係剃毛!

終極性感

出道至今主打 model工作的 Jessica C,過去曾拍過《熱浪球愛戰》和《寶島雙雄》兩部電影,演出行行企企花瓶角色,直到被台灣導演錢人豪睇中,邀拍喪屍片《屍城》擔正做女主角,不過,戲中有大量性感演出,尺度相當大膽。

經過一番考慮, Jessica C終於答應!除了三點,只要劇情需要,三點以外的地方都可以露。因此, Jessica C在近乎冇衫著,最多布已經是 bra top上陣,因為戲中她被喪屍扯爛衫追,要戴住個 bra周圍走,還要被顏射到一面血,有血又有肉。

「今次對我嚟講係一個新挑戰,未試過咁污糟,每日都要不停喪跑,起碼瘦咗十到十五磅,嗰段時間一諗起個角色嘅慘況,我就食唔落嘢!」 Jessica C說。

問到 JC性感有冇底線,她表示自己都冇權揀,只要係劇情需要,唔係刻意賣弄,幾性感都會接受。

每日開工都要俾喪屍追,這段時間 JC足足輕了十至十五磅。

戲中 JC分別會被男人同女人性侵,同女人拍性愛場面, JC覺得比較安心,動作可以去得更激。

JC幾年前同過另一個 JC房祖名拍電影《寶島雙雄》。

鬼佬男友對於 JC拍性感戲,雖然唔多高興,但都要無奈支持女友決定。

剝吓多啲

26歲的混血模特兒 Jessica C,憑一對「警鐘胸」打響名堂,聲稱性感無底線的她,近年愈剝愈高興。

響鐘

招牌「警鐘胸」愈敲愈響,令她迅速在香港 model界彈起。

露半球

10年,推出首本寫真集《 Just Jessica C》,鬼妹仔性格的 JC唔用乳貼,淨用床單遮住上身,下半身也只著一條超薄透視短褲。

半裸

去年半裸拍攝護髮產品廣告,真空上陣,僅用長髮遮住上身重點。

咖喱角咁多

講明尺度有咁盡得咁盡,齋露 bra其實好濕碎!,有一場監獄出浴戲, Jessica C近乎全裸,身上除淨一條超細碼斗零邊底褲,前面的三角布位置!大唔過一隻咖喱角,僅僅遮住重要位置,至於警鐘胸則用乳貼遮住兩點,保持三點不露大原則。

為了這場從未如此激過的出浴戲, Jessica C更做了多重工夫,壓力亦好大。

「拍得好辛苦,我有兩場戲俾人搞,出浴呢場係同個女仔,起初覺得好唔自在,好在正式埋位嗰陣得番導演同幾個主要工作人員,人少咗冇咁尷尬;留喺度嘅人唔俾帶電話,所以我都好放心,唔使擔心走光。」

成套戲 JC都冇乜衫著,不時要著住 bra top周圍走,非常養眼。

因為拍這部戲, JC同安志杰傳出緋聞,有指 JC背住男友暗交安志杰,兩人拍完戲後不時約埋一齊食飯出街。

除咗 JC要露外,安志杰都不時要露兩點晒肌。

剃毛保尊嚴

全身得條斗零邊底褲,塊布又細到不可再細,為求美感和恐防有體毛漏出,埋位前 Jessica C特別做足剃毛清潔。

「 haha……係呀,我有剃毛,其實我個角色係個囚犯,正常係冇得做呢樣嘢(剃毛),但我唔想因為甩漏影響自己嘅尊嚴,最後都剃咗,但真係好尷尬,嗰種尷尬程度,完全形容唔到。」 Jessica C說。

「屍」片熱

去年 Juno(麥浚龍)自編自導的《殭屍》,搵來 80年代一系列殭屍電影鐵腳演員,包括錢小豪、陳友、樓南光等參與演出,電影上畫 49日,香港錄得票房 1,700多萬,穩佔 13年港產電影票房第八位,亦令沉寂廿年的殭屍題材電影再度興起,單是今個月,已經有 3部相關題材電影等住上。

《德古拉伯爵•血魔降生》

以西洋殭屍經典——德古拉伯爵作為藍本,講述他未變殭屍前的故事。男主角 Luke Evans同導演 Gary Shore都唔多人識,但電影有口碑,被激讚刺激、緊湊。

《天師鬥殭屍》

自《殭屍》後,相關題材的港產片陸續出現。率先上畫的有元彪、鄭中基主演,抄 80年代《殭屍先生》以中國民間「跳屍」主打, crossover西方的殭屍、喪屍及鬼魂題材的《天》片。

《七步成屍》

荷李活恐怖懸疑電影,驚嚇十足,電影講述女主角 Samantha因一次瘋狂一夜情後,感染屍毒,逐漸異變成喪屍,其身體突變只需三天,頭髮脫落、眼睛充血、身體腐爛。



鍾意就快D Share啦!