掃呢頁CODE去手機

2014年10月9日 星期四

[壹週刊 1283] 箍法拉 薛世恒斬纜  Regen拖新仔示威 Regen,Regen,張惠雅,M1,




被薛世恒飛起, Regen火速搭上音樂幕後人新歡,上週二人十指緊扣在大坑漫步。

探熱針

箍法拉 薛世恒斬纜  Regen拖新仔示威

趁老婆去美國登台,陪 Hotcha妹 Regen(張惠雅)行商場食甜品的 Neway大少薛世恒,去年被正印陳法拉飛甩後,一度下旨要公司力捧「愛將」;不過,有指大少其實對法拉未忘情,為咗箍煲,同 Regen斬纜之餘,更收回成名,嗌停對方手頭上的工作,轉捧另一 Hotcha妹 Winkie(黎美言)。

大少鳴金收兵,二十五歲 Regen亦唔拖泥帶水,上週孖住新男友到大坑開餐,開行 turbo換畫。

蝕本貨

一一年, Regen乘大少奶陳法拉出門公幹,私會大少薛世恒,事件曝光後,正印發火下「放逐令」, Regen隨即避走澳洲過冷河;到法拉向大少提出離婚,「小三」 Regen即時回歸,去年還一度被大少力捧,可以單拖出碟。

不過, Regen單打獨鬥成績差,大少要向公司交代,加上一直對法拉未死心,為向前度示好,於是將 Regen打回原形;被大少狠撇, Regen原本安排好的工作,亦全部被抽起。

「以前有客或者廣告商搵上門,公司次次都係先推薦啲客用 Regen,而家大少閂水喉,公司梗係唔會再喺佢身上浪費資源,加埋佢隻個人 EP都蝕咗唔少錢,大少都要做嘢交代,嚟緊 Regen啲 project都停晒,會試吓俾機會 Winkie,幫佢個人發展。」一名公司員工透露。

對住男友, Regen不時發姣冧笑。

二人一邊食一邊隊啤酒。

Regen的視線全程離不開男友。

去年 Regen被踢爆私會薛世恒。

(《 FACE》圖片)

離婚後,薛世恒一直對法拉未忘情,近日更發動攻勢求復合。(《蘋果日報》圖片)

春拖仔

面對雙失,但二十五歲的 Regen睇得好開,第一時間發力,另覓「碼頭」。

上週六(九月二十七日)晚上八時半, Regen與新歡到大坑一間西餐廳食晚飯,一邊隊啤一邊打牙骹,其間, Regen不時一副含春樣望實男友。兩杯落肚,離開餐廳時, Regen與男友放下戒心,手拖手行去天后方向,行到一座商業大廈,與電燈膽道別過後,雙雙上樓。

冧得掂大少之餘, Regen亦深得薛老爺歡心,去年薛老爺帶埋 Regen出席國慶晚宴。

上月薛世恒被拍得與廖碧兒到法國餐廳進行「相睇」飯局,食足六粒鐘才離開。

被「放逐」到澳洲前, Regen出席 Hotcha最後一個簽名會時哭成淚人。



鍾意就快D Share啦!