掃呢頁CODE去手機

2014年10月9日 星期四

[FACE 385] 阿太整餅 峇里擺酒 豪包賓客 陳敏之開餅鋪延期造 B 陳敏之,MF,




上週六( 4日)敏之婚後返港心情大靚,雖然老公依然喺另一閘口走先,不過敏之都話:「佢好低調,我要迎合番佢!」

真面目

阿太整餅 峇里擺酒 豪包賓客 陳敏之開餅鋪延期造 B

近年藝人結婚、生仔都已經好主動發相、邀請採訪,不過就好低調,上週三( 1日) 35歲陳敏之正式與拍拖十年、 42歲的雷偉信( William)在峇里結婚!雖然敏之在社交網站都只係發單人婚紗相, William半面都見唔到,不過睇新娘個樣都知有幾幸福!

其實自 03年敏之爸爸離世後,敏之揹起成頭家, 10年重病死過翻生,已經認定 William為結婚對象,加上 William在今年初敏之的生日飯局上跪地求婚,仲送埋過百萬的三卡巨鑽戒,敏之終答應婚事做雷太!

上月 20日敏之受浸成為基督徒,上週三( 1日)完成人生大事成為雷太,至本月底,敏之將在天后開設曲奇餅店,人生第一次做老闆娘。「好多嘢自己做,有試味有整,要自己整先知咩味,用咩材料!個罐嘅設計都有參與。(老公有份?)冇㗎!唔使啦,自己搞掂。由細到大都好鍾意食曲奇,所以試吓創業,人生第一個生意。」嚟緊陳敏之更會做番歌手出碟,造 B睇怕都要排吓期先喎!

外地結婚邊個豪?

現今好多情侶都會選擇旅行結婚,一來唔使喺酒店、酒樓做場大龍鳳,二來外國環境靚啲,感覺都高尚啲嘛!不過出國觀禮就唔係個個都做到宴請賓客。

今次敏之去峇里結婚,就豪花 7位數字,請咗廿幾位好友、工作人員,機票、住宿、飲食,總之就係全包宴玩足 5日 4夜,難怪與敏之同機返港的維維、伍姑娘等人都笑晒口。

剛於 8月底,都係喺峇里結婚嘅鍾鎮濤就唔係咁講,據講每位賓客要自費機票之餘,仲要每晚比近 6千蚊住鍾家指定酒店, 4日 3夜每人就使咗二萬幾蚊!

William同敏之喺 09年最大方嘅合照,係喺敏之 30歲生日嗰晚。圖片

雖然都叫做有相睇,但係都只得敏之靚樣, William唔通想做影後?網上圖片

鍾鎮濤喺 8月 25日,在峇里畀咗個名份范姜,但就冇要賓客自費出席。網上圖片

雖然只有廿幾人參加婚禮,但敏之全程包實晒,賓客玩得開心,婚禮又冇話柄俾人話,冇咁大個頭就真係唔好戴咁大頂帽係啱嘅!網上圖片

35歲的第一次

向來都以 44吋長腿做生招牌嘅敏之,除咗演得之外, 99年佢其實係憑住小室哲栽徒弟之名入行唱歌先嘅,不過唱片唔賣得, 01年就簽約大台索性做藝員拍劇,一拍就拍足 13年。

直到今年,敏之於 9月 20日受浸成為基督徒, 10月 1日國慶之餘仲結埋婚,月底又話開餅鋪,年尾仲想趕出碟做番歌手,真係有心唔怕遲。

唔講唔知,原來敏之好鍾意整嘢食,嚟緊月底,敏之就會同幾位圈外朋友合資,喺天后開佢人生第一間曲奇餅店,敏之仲講到明自己會落手落腳去搞,所以餅店開張後,大家都有機會食到敏之親手做嘅曲奇餅喎!

敏之有樣有腿,原來廚藝都有一手,嚟緊月底於天后開曲奇餅店,期待喎。

《忽然 1周》圖片

上月 20日受浸成為基督徒,當日陳志雲都有在場湊熱鬧。網上圖片

網上圖片

請邊個去峇里?

敏之喺圈內唔算多朋友,但同親佢 friend嘅都真係堅交心,所以今次婚禮要請啲咩人都唔使點傷腦筋。

據知敏之較早前已經通知咗蕭正楠同埋麥包,佢哋 friend底應該大家都知,可惜家陣搵食艱難,蕭正楠要去吉隆坡做活動,而麥包就要為新劇《樓奴》埋位,想去都無得去,不過敏之話返到香港會同親戚、朋友再食多次飯,至於為咗何超雲而同陳敏之反目嘅陳山聰?梗係 no way

曾經好友,可惜友情不再,陳山聰惟有寄情跑步,操 fit啲東山再起網上圖片

王浩信和麥包其實都同敏之好好朋友,可惜二人都要為《樓奴》開工,走唔甩!網上圖片

蕭正楠要同胡定欣、岑麗香去吉隆坡做嘢,冇得帶翠如 BB參加婚禮添!網上圖片



鍾意就快D Share啦!