2014年11月14日 星期五

[忽然1周 - 1007] 利嘉兒十萬行頭開咪 利嘉兒,MW,




利嘉兒做咗闊太,果然唔同,一身行頭係咁意計吓都近 10萬,有多冇少。

媽咪姐

利嘉兒十萬行頭開咪

普通話教到街知巷聞嘅利嘉兒( Lily),自從同港台 DJ周國豐離婚後就消失咗一排,日前佢突然蒲頭,宣布下周一( 17日)開咪復出。 Lily話自己 2010年已經再婚,老公係生意人,唔怪得當日媽咪姐見佢行頭十足







當日佢個 Chanel背包同手錶都好鬼搶眼,隻結婚戒指仲係老公設計,佢嗰隻粒石重 75分,老公嗰隻就重 25分,夾埋就十全十美喎。 Lily仲話:「平時好鍾意買嘢,個迷你倉已經由細搬去中再搬去大。其實唔開工,呢啲嘢都會擺喺屋企。依家仲好,有個曝光率,有個用處!如果老公問我做乜買咁多嘢,我可以答開工要用嘞。」賺錢買花戴,咪呢啲囉!



結婚戒指係老公設計,寓意十全十美!

全港只有 30個嘅限量版 Chanel背包(成 3萬幾蚊㗎!),利嘉兒都買到,真係 VIP級數!

Lily好有 heart,仲專登帶咗名牌 clé de pear限量化妝品介紹俾觀眾。

利嘉兒同鄭啟泰一起開咪,鄭指她首日表現有點緊張,不過愈來愈好。

利嘉兒四年前在東京再婚,老公劉生在內地開廠做生意,為人低調。



鍾意就快D Share啦!
Related Posts Plugin for WordPress, Blogger...