2014年11月21日 星期五

[忽然1周 - 1008] 謝婷婷分手「胸」兆 謝婷婷,婷婷,BKD_S,MW,




既然甩拖,戰鬥格搵過個都正常嘅。婷婷呢吓晒胸,真係全場最性感,如果拎走頸上條巾,仲 perfect。

媽咪姐

謝婷婷分手「胸」兆

周二( 18日)晚,意大利品牌 Prada搞咗個珍藏展,媽咪姐自認 fashion sense唔差,又有靚太李嘉欣同韓星孔孝真睇,梗係去湊熱鬧









謝婷婷之前仲講緊非 Sean不嫁,拍咗一年拖,忽然公布已經分手,戲劇到吖。佢仲自爆同 Sean搞亂咗 best friend同情人嘅關係,冇咗嗰份浪漫,分手嗰陣傾到喊。

去到現場,嘩!平時好貴氣嘅鞏俐,着咗件透視肉背嘅晚裝出現,佢啲鑽飾仲閃到𥋇親媽咪姐對眼。而啱啱同男友 Sean分手嘅謝婷婷,着咗條真空騷半球嘅裙,媽咪姐都驚佢走光呀。雖然情場失意,但呢身打扮就輕易贏晒班前輩,算係攞番個彩

怪異味

鞏俐套鑽飾真係好養眼,但係件晚裝好「騎呢」,衫袖縮咗上去,要加條魚絲繑住手指。依家天氣咁乾,小心𠝹親喎!

睇埋鞏俐嘅肉背,加埋戴住個白色 bra,真係好有肉地。

有孕味

嘉欣話嚟緊會同家人去滑雪,唔只一家三口喎!咦?咁講唔通有暗示?

李嘉欣條裙睇落好鬆身,疑似有孕,上樓梯仲要搵三個人扶住行。

少女味

拍過《沒關係,是愛情啊》嘅孔孝真都嚟咗。平時收埋紋身嘅佢,呢晚大解放,着住黑色 see thought有少女味得嚟,又睇晒佢左手臂紋身。果然係韓國嘅「時尚女王」。



鍾意就快D Share啦!
Related Posts Plugin for WordPress, Blogger...