全城熱爆的娛樂八封新聞 & 時事趣聞 & 生活 + 趣聞
拍完兩個鏡頭，鄭中基叫女助手遞包煙俾佢，《壹》仔可以做證，佢絕對出於自願，身邊冇人引佢食㗎！
上個禮拜鄭中基大鑼大鼓話因為囡囡 Emma發脾發，決定的起心肝戒煙，唔可以一刀切，唯有限自己一日食幾支，仲呼籲身邊煙民友好，咪埋嚟引誘佢。
上個禮拜五（十一月七日），谷德昭執導嘅新戲《惡人谷》喺西沙路井頭村拍外景，仲將嗰度嘅一棵大樹扮成許願樹，掛滿晒寶牒。 《壹》仔去到現場，已經見到鄭中基食緊煙，扯完飛煙，埋位拍咗兩個鏡頭，相隔只有二十分鐘，佢又自動波走埋去問女助手攞煙，再食過！ 隔廿分鐘就一支，咁食法，睇嚟鄭中基有排都戒唔成囉！
囡囡 Emma憎老豆成身煙味，鄭中基怕咗皇帝女決定戒煙，但進度相當緩慢，睇嚟鄭太余思敏要逼吓老公先得！
其實現場唔算多煙民，鄭中基食咗一陣，先有伴埋嚟同佢一齊煲。
工作人員將現場一棵大樹掛滿寶牒扮許願樹，劇情講鄭中基上完香之後，郁手推人。
雖然煙癮仲好大，但隔籬坐住女主角江疏影，鄭中基冇食！
