掃呢頁CODE去手機

2014年12月19日 星期五

[忽然1周 - 1012] 正印有喜  Mandy Lieu怪肚皮唔爭氣 Mandy,劉碧麗,Mandy Lieu,MW,




兩星期前,洗米華嘅司機報警,話懷疑 Mandy Lieu喺屋企暈咗,跟住仲話失蹤。點知今次一出現,就去醫院睇個肚,又話作嘔。

媽咪姐

正印有喜  Mandy Lieu怪肚皮唔爭氣

有啲嘢真係夾都冇咁啱㗎!周二( 16日)晚,正當洗米華(周焯華)帶住有咗 4個月嘅老婆陳慧玲出席慈善晚宴,佢嘅「私人坐墊」 Mandy Lieu、「失蹤」 10幾日後忽然蒲頭,夜晚 8點幾去咗養和,掩住個肚又話想嘔,搞到班護士好緊張。肚喎!容乜易又話有咗乜乜乜㗎。見完醫生之後, Mandy睇嚟仲係唔舒服,青筋現晒,睇嚟都係舟車勞頓惹嘅禍,冇咁啱又係有咗囉!







網民對周太有咗,多數留言「恭喜」!但都有人話 Mandy Lieu係小三,又話洗米華見老婆有咗就去搞搞震。

早前 Mandy Lieu速遞去澳門,做洗米華「人肉坐墊」,就咁袋咗價值一億嘅豪宅。有傳最新發展,洗米華喺 Mandy馬來西亞家鄉搞樓盤生意。嘩!睇嚟起好又多一個單位喇!

洗米華寧願陪有咗嘅老婆去 ball,都唔去陪病咗嘅 Mandy Lieu睇醫生,正印同「坐墊」嘅分別,明晒



鍾意就快D Share啦!