2014年12月24日 星期三

[FACE - 396 - 外地娛樂] Do姐都話正 陽光系 VIXX殺到嚟 MF,




韓飯台

Do姐都話正 陽光系 VIXX殺到嚟

踏入 2015年,韓飯又要準備好銀彈追星。

明年 1月先有 BIGBANG主將太陽來港開騷,月中就輪到 6人大勢偶像組合 VIXX接棒開 FM會港女。

由 6位 90後陽光少男組成的 VIXX,自前年出道後,其專輯均能贏取各大音樂節目 No.1。之前曾在大台真人騷《超齡打工假期》中同 Do姐一齊亮相的 VIXX,下月 17日將空降九展開騷,到時 6子除與港女抱抱兼玩遊戲,一向鍾意玩獨特主題的 VIXX,還會大搞 cosplay party,同港迷癲番晚。

Q1:究竟 VIXX港騷有幾特別?

將於 1月 17日在九展開騷的 VIXX,除大唱今年在韓國大熱的〈 Eternity〉及〈 Error〉之外,當然不少得邀請歌迷上台玩遊戲,讓港女有機會近距離接觸偶像,更可乘機抱抱。據知今次 VIXX還會玩 cosplay,大扮吸血鬼、毒娃娃及變型怪醫等,肯定 high爆。

上月播出的《超齡打工假期》, Do姐同王菀之曾拍住一齊做 VIXX的助手及髮型師, Do姐仲大讚佢哋靚仔。網上圖片

今年 VIXX紅歌又紅人。早前推出 hit歌〈 Error〉在 SBS《人氣歌謠》中,擊敗前輩徐太志的〈 Christmalo〉及 Girl's Day的〈想你〉成冠軍。網上圖片

踏入 2015年, VIXX會先訪港,接着便會去泰國及台灣開 FM會海外歌迷。最近喺〈 Error〉 MV中, VIXX扮機械人(右圖),唔只香港 FM會唔會扮機械人同港迷開 P呢?

網上圖片

網上圖片

Q2:除主打唱歌之外,還有踩過界拍劇拍電影嗎?

2012年出道的 VIXX,頭兩年主打韓國音樂市場,打好基礎後,今年開始向多方面發展,除推出《 Error》日文版細碟,攻打日本市場外,各成員還陸續向視壇進發。半年前先有成員 N客串演出韓劇《 Hotel King》,之後輪到 Ken拍攝《合宿 24號房》,而 N最近已確定參演明年 1月出街的新劇《踏青家庭》,實行多線發展。

今年 4月,成員 N處男拍劇,於韓劇《 Hotel King》中,同 2AM的瑟雍一齊飾演酒店服務員。網上圖片

而另一成員 KEN, 3個月前就參予電視劇《合宿 24號房》演出,還慘被男人強吻,真係可憐。網上圖片

Q3:最近成員 Ravi傳出同 iKON成員 Bobby不和,真定假?

不甘被 iKON的 Bobby笑佢係音癡,最近 Ravi反擊,將自己 rap嘅歌放上網,澄清自己唔係音癡。網上圖片

事緣 iKON成員 Bobby一向鍾意借歌詞諷刺其他歌手,最近就辣着 VIXX的 Ravi,笑佢係音癡(走音),卒之激嬲 Ravi,之後 Ravi即錄番首 rap歌反擊,還將音源放上網,歌詞中 Ravi澄清自己唔係音癡,更指 Bobby與 VIXX同是偶像,希望對方不要以為自己與眾不同。



鍾意就快D Share啦!
Related Posts Plugin for WordPress, Blogger...