掃呢頁CODE去手機

2014年12月24日 星期三

[FACE - 396] 高妹正傳 阿媽真傳 琦琦 10歲長腿女追星集周董郵 周董,MF,




放學返屋企最開心,睇到 Ella個樣就知。但左眼角有粒癦,玄學家鄭景文話影響感情運喎!

真面目

高妹正傳 阿媽真傳 琦琦 10歲長腿女追星集周董郵

近年藝人的仔仔囡囡都不再收埋,星二代有拍廣告接電影,有借父母名響朵後再發圍,連特首梁振英二囡梁齊昕都話想做 model!

任達華和琦琦的愛女任晴佳( Ella),本週三( 24日)即滿 10歲,盡得媽咪真傳的 Ella,年紀輕輕已有 5呎 1吋( 153cm)高,而且皮膚白皙,雖然爸爸、媽媽都忙於工作,但囡囡開到聲,上月底琦琦就帶 Ella到亞洲博覽館睇周杰倫演唱會,更入埋後台與偶像合照,寶貝女錫到燶!

玄學家鄭景文師傅表示:「眼尾至髮際位是「奸門」位,亦是「夫妻宮」,是其中一個掌管男女感情事的面相部位。容易感情有變,易受第三者影響,較適合遲婚!」任晴佳只得 10歲,唔驚喎!

與琦琦結婚多年的任達華,女兒任晴佳( Ella)不經不覺已經 10歲,幼兒時曾與陳奕迅女兒陳康堤同讀九龍塘基督堂幼稚園,後來康提考入拔萃女小學,而 Ella則入讀新加坡國際學校升學。

「行 catwalk都可以!」

據知 Ella在運動方面比較突出,曾經在學校的運動會上連贏 2面金牌,腳長長的 Ella應跑得比同學仔快,琦琦亦曾透露 Ella在畫畫方面甚有天份,對於女兒已有 153cm高,琦琦表示:「行 Catwalk都可以,但她愛畫畫,想做設計師,將來做甚麼,她開心就得。」。

本月 11日本刊直擊 Ella放學,期間見她與同學仔有講有笑,相處融洽,同幾個同學一齊行,明顯又高人一等,而且面對鏡頭更笑晒口,絕無半點怕醜。上月底的周杰倫演唱會,琦琦就陪埋 Ella睇騷,最後更帶囡囡入後台搵周董影合照,幫寶貝女集郵!

10歲已經有 153cm高的 Ella,名顯鶴立雞羣!

琦琦近日正忙於拍攝內地節目《愛上超模》,但週二( 24日) Ella生日早已準備慶祝活動!

成功合照

Ella開到聲要睇周杰倫演唱會,琦琦點忙都要帶佢走一趟網上圖片

講明一個夠晒數, Ella從此成為任家小公主,琦琦仲話每次任達華回家都變成「女兒傻瓜」!網上圖片

Ella手長腳長,喺學校運動會經常成為大贏家,攞金牌 easy job!《忽然 1周》圖片

幼稚園年代 Ella和康堤(箭嘴)同校,但小學就各行各路,擺明一個文,一個武喎!《忽然 1周》圖片

出國慶祝生日

任達華單是 13年就拍了 7部電影,而老婆琦琦都唔弱,不時出席時裝活動,現亦參與了國內新節目《愛上超模》,雖然經常不在港陪囡囡 Ella,但無損三人感情,週三( 24日)便 10歲生日的 Ella,據知琦琦已準備好在國外為女兒慶生,適逢聖誕節,一家人點都要聚吓嘅!

本月一日,任達華抽空返港, Ella又未放學,即同老婆二人世界歎拉麵。

經常四圍飛的任達華和琦琦,近日又去到內地賺人仔,二人一齊出席一汽車品牌活動後,任達華又要為電影《別有動機》埋位。網上圖片

鬥索星二代

少男少女唔知食咩大,個個都大得好快,唔少星二代未成年就已經亭亭玉立!嚴選出 4位未成年星二代,無論樣貌、身材、內涵都唔睇得少,讀者們都嚟指教吓吖!

15歲

胡芷欣 by葉玉卿

今年只係 15歲,但 Victoria已經好有媽咪風采,食娛樂圈飯冇問題!

14歲

林愷鈴 by龔慈恩

氣質美少女林愷玲識玩朗誦、長笛,仲識拉小提琴,加上天生一副美人胚子,入娛圈大把前途

13歲

沈月 by邱淑貞

年紀細細已經成為傳媒目標,直到今年 13歲,每次出街都總吸引到唔少鏡頭。愈大愈似媽媽嘅沈月,有幾標青,唔使多講。

10歲

陳康堤 by徐濠縈

與 Ella同齡的康堤,一樣係由細到大都對住鏡頭,由於有個潮媽關係,康堤每次出動都唔會失禮,大個可行型格路線。



鍾意就快D Share啦!