啟示書院旅遊與款待業 Top Up Degree Yr.2
談天欣（ Yan）
21歲嘅 Yan都算係一等一好主人，「每次去旅行都一定會買手信氹小 boo，雖然有啲香港都有得買，但搭過飛機係唔同嘅，小 boo知道架！」
U花 U草
日日同愛犬傾偈 狗癡 Yan：要狗唔要男友
遇到個好主人，做狗的確好過做人，好似鄺美雲隻愛犬 Cash咁，着名牌狗衫、食鵝肝醬、去美容院歎 spa，真係幸福過好多人。
讀緊啟示書院旅遊與款待業二年級嘅談天欣（ Yan）都係狗癡，雖然冇鄺美雲對 Cash五星級服侍咁誇張，不過同樣錫到佢隻愛犬燶，仲話寧願要狗唔要男朋友！
「四年前，我收養咗一隻八個月大嘅玩具貴婦狗小 boo，佢以前畀主人虐待，迫佢喺梳化底唔准佢去其他地方，而且每日得十粒狗糧食！自從我開始養小 boo之後，我當佢係自己個囡，每朝出門口前至少用 15分鐘同佢傾偈，如果我鬧鐘響即刻起身唔理佢，佢會發脾氣唔理我，下晝我上完堂就會返屋企陪佢瞓三個鐘晏覺，夜晚臨瞓前如果我玩 iPad佢又會呷醋，用手推開部 iPad好可憐咁望住我要我同佢傾偈，平時放假我都係留喺屋企陪佢，一係同佢去狗公園或者狗 cafe玩。」
Yan事事以小 boo為先，甘心留喺屋企做宅女，連旅行都少去，陪愛犬嘅時間仲多過陪拍咗拖五年嘅男朋友，「如果男朋友同小 boo揀，我揀小 boo！」有個靚靚主人錫到燶，真係做隻狗都肯！
|
鍾意就快D Share啦！
|
|
|
