2014年12月24日 星期三

[FACE - 396 - 大專校園] 港大仔做民建聯新兵 霸氣 Leon:「我要做功能組別阿頭!」 MF,




21歲

鍾健峰(阿峰)

公大公共行政學系 Yr.1(夜校)

18歲

鄭逸朗( Leon)

港大工程系 Yr. 1

雖然連車馬費都冇,但 Leon同阿鋒照樣落足心機派宣傳單張,難怪連 Holden都大讚佢係民建聯新星!

Main Camp

港大仔做民建聯新兵 霸氣 Leon:「我要做功能組別阿頭!」

高登仔一向奄尖難服侍,難得港視套《選戰》被評為神劇,劇入面嘅保皇「振民黨」仲令人神憎鬼厭!講真電視劇煲吓就話冇咩所謂,現實叫班後生加入政黨,肯定大多耍手擰頭,仲要加入親中民建聯,好多年青人都肯定 say no!

不過都有例外,好似現讀香港大學工程系 year1嘅鄭逸朗(Leon),中五就加入民建聯青年團,喺城市論壇發言,就算俾高登仔起底兼同學仔排擠, Leon都話未驚過:「冇動搖過我立場」!

城市論壇起朵

就係在論壇 1分鐘,令到 Leon眾矢之的成為高登仔圍插起底對象。(可在 YouTube搜尋「城市論壇」 02.06.2013)

𠵱家啲學生 10個有 9個都係黃絲帶,但 Leon話佢自己身上流住藍色嘅血。成功考入港大工程系嘅 Leon,今年參加學校 O camp時因為政見不同,而被視為異類:「嗰時咁啱傾開一啲關於佔中立場嘅話題,咁我係藍絲帶當然唔支持佔中,覺得佔中破壞緊社會秩序,就算佢哋咁做都改變唔到個選舉制度,一講完已經俾幾個黃絲同學仔圍插,連之前開落嘅 whatsapp group,裡面啲人仲退出晒添!」不過 Leon解釋,放低政治立場,佢其實與同學仔之間嘅相處好融洽。

想做議員

義工一腳踢

平時落區做義工,冇錢不特止,小至掛 banner大至落區宣傳,都要一腳踢,義工助理真係一啲都唔易做。

堅撐藍絲,只因 Leon細個受「 0分校長」呂宇俊啟發,覺得做藍絲先係理智,「有年學校請咗呂校長嚟演講,佢舉咗一個令我好印象深刻嘅例子,『與其做一班喺學校不滿老師教學手法,成日同老師作對嘅滋事分子、壞學生,倒不如讀好啲書做一個好老師取代佢哋。』根本𠵱家黃絲學生上街佔領、靜坐都唔會改變到個選舉制度,仲會被視為破壞社會秩序,與其係咁不如自己去參選議員改變社會!」

Leon細細個已經為從政鋪路,仲試過因為喺城市論壇提出:「六四事件前人嘅決策、點解要後人找數?」,而被高登仔瘋狂起底,亦因勇於發言而俾現任民建聯青年團主席周浩鼎( Holden)賞識,成為咗民建聯青年團骨幹成員兼 Holden義工助手,就算義工助手連車馬費都冇, Leon各樣青年團活動從不缺席,義工服務永冇托手肘,問到佢喺黨裏面想有咩作為,佢就坦白講:「我要做功能組別工程界阿頭!」霸氣到呢!

公大阿峰:「我愛國愛港!」

霸氣 Leon想挑戰老牌議員入立法會,但唔係個個都咁有鴻圖大志,現就讀香港公開大學公共行政學系嘅鍾健峰話,加入民建聯青年團純綷為興趣,佢一面正氣咁話:「我崇尚愛國愛港,而且我鍾意民建聯係一個有建設性嘅政黨,而且青年團好俾機會後生仔為黨發言,所以我揀民建聯。」

餐廳開會

因為議員辦事處太細,有時可能要出去搵地方開會,區內某一餐廳正係佢哋嘅開會熱點。

義教學生

做義工助手真係要周身刀張張利,連幫區內學生補習都要識!

阿鋒話做街坊探訪,閒閒哋一日十幾廿十個單位,仲要人肉逐個打俾街坊約探訪,講到口水都乾,不過佢就話碎料嚟啫!

夠薑挑卿姐機

歐諾軒  27歲

民主黨中常委

黨齡: 5年

被喻為最敢言的民主黨議員(南區)

歐諾軒(紅圈)中學讀聖若瑟,曾經為反高鐵及保衞菜園村做過社運友一段長時間,之後先加入民主黨,成功當選議員,不過講到最激係佢早前於明報出文寫話想爭主席一職,佢仲夠薑叫劉慧卿退選,目的係為民主黨求變,佢接受電台訪問時直認:「我係想啊!怕咩認啫!民主黨要變」



鍾意就快D Share啦!
Related Posts Plugin for WordPress, Blogger...