2015年1月29日 星期四

[壹週刊 - 1299] 林嘉綺靠生 B贏林志玲 志玲,林嘉綺,林志玲,M1,




丟低老公同囡囡飛嚟香港開工,名模林嘉綺唔怕模媽冇市場,仲計劃生夠三個先收工。

同你吟一吟

林嘉綺靠生 B贏林志玲

結婚前,名模林嘉綺同林志玲鬥生鬥死,爭做台灣第一模,但自從 11年同拍拖 3年嘅 Michael黃麟書拉埋天窗,生埋囡囡 Kuku,林嘉綺由名模變模媽,即使事業鬥心不減,但照顧屋企始終優先。

上星期五(一月二十三日),林嘉綺暫時丟低老公同囡囡,飛嚟香港影時裝相。試過因為返大陸行騷,母女分隔搞到情緒失控係咁喊,但有過經驗後,今次林嘉綺表現出專業一面,响中環置地廣場挨住噴泉擺甫士,任何難度動作都難佢唔倒。

攝影師要求林嘉綺扮 cool,但影影吓佢自己忍唔住笑。

同劉華、佟大為拍《富春山居圖》,票房仆直,林志玲仲俾人笑塊面硬到走樣。

做咗模媽,林嘉綺仲開拓埋媽咪市場,拍瘦身內衣廣告,都以生過 BB做賣點;相比之下, 40歲林志玲就算去到大陸發展,但已經做咗高齡剩女,塊面仲愈來愈硬,事業愛情同個樣,林嘉綺贏晒!

身邊工作人員個個著羽絨,林嘉綺示範春裝,頂硬上。

舊年尾踢走小 S,成為修身內衣代言,廣告以模媽做賣點,令林嘉綺開埋 C9財路。

以前「雙林」打崩頭爭做台灣第一名模,今日林嘉綺已經升呢做模媽,原本人氣一直領先嘅林志玲,近年响大陸做咗票房毒藥,要靠翻炒同言承旭嘅舊緋聞挽人氣。



鍾意就快D Share啦!
Related Posts Plugin for WordPress, Blogger...