影影吓相，索性主動連毛都除埋現真身。
社交圈
噴血齊昕
儘管人人都鬧爆 CY女梁齊昕，佢依然我行我素，近日她更殺入 ball場，濃妝艷抹，配以一身血紅色打扮出席時裝騷，成為社交圈火辣辣的新血。
CY女 風騷撥髮
特首女梁齊昕上週四身穿紅色連身裙襯狐狸毛背心，以嘉賓身份現身上海灘時裝騷。她左扭右擰俾記者影相十分鐘，其間仲 model上身，搔首弄姿，左右撥髮。問齊昕是否想做模特兒？佢話：「唔係，我有自知之明。」有冇問准特首老豆嚟睇騷？「同佢哋冇乜溝通……所有嘢都唔會問（父母）。」
關之琳 一笑置之
見慣大場面的關之琳打頭陣出席 Moiselle騷，亦是傳佢跟台灣富商陳泰銘婚訊後首次現身，問關小姐婚禮搞成掂？會辦什麼嫁妝？她不慍不火笑住回應：「吓？依家都好多新聞唔係真嘅，依家生活幾好，就咁啦，咁老！過咗年紀就唔須要（結婚）。」
何超盈 有分寸
上週三跟阿媽梁安琪出席 Moiselle花生騷，識趣地留俾四太發言，「大家千祈高抬貴手，唔好講我唔換衫，你知照顧何生根本換唔到衫。」超盈見狀即補飛話：「不用季季新款， mix and match仲型。」隔兩日，她撐友人室內設計公司開張（下圖），被大堆記者圍問細佬猷君同台灣孖女組合 BY2成員 Yumi的戀情，她輕鬆回應：「佢話係朋友，幾斯文，佢啲朋友男女我都見過晒，咁你問呢個女仔，我咪講有見過。」即係講完都冇爆 Yumi係咪細佬女友囉！
|
鍾意就快D Share啦！
|
|
|
