同款戒指左手戴三隻，右手手指公都有，成手好嘢嘅伍姑娘有老公做伴去時裝店換貨。
同你吟一吟
伍姑娘中環睇住使 姜皓文大埔豪買
有份拍賀歲片《 12金鴨》嘅黑仔姜皓文，早個禮拜陪埋太太金慧英行街 shopping。鳩嗚唔一定要中環尖沙咀，行大埔超級城同樣可以滿足到鳩嗚慾。由運動用品店 shop去 Uniqlo，黑仔買運動褲，黑仔嫂就喺 LOG-ON睇中部家用相片打印機，做緊特價$1,580仲有嘢送， C9心態，唔買就笨。
黑仔兩公婆行大埔都可以跌錢，另一對公婆伍詠薇、練海棠行中環 Moiselle，但唔係趁減價執平貨，原來伍姑娘之前買咗條裙，因為唔啱 size，要嚟換碼。
做緊 final sale，戴住成手戒指嘅伍姑娘好忍得，冇話買多兩件補倉。啱嘅，買買買又未必著得晒，花啲時間陪老公撐枱腳食日本菜，有嘢落肚好過！
|
鍾意就快D Share啦！
|
|
|
