全城熱爆的娛樂八封新聞 & 時事趣聞 & 生活 + 趣聞
有咗嘅 Yumiko，知道自己理想達到一索得女後，開心到係咁買衫，雖然 B女四月先出世，但屋企嘅衫裙數量同 size，夠 B女著到兩歲。
老婆大肚，平日煙不離手嘅 Andy，都唔敢放肆逼兩母女食佢二手煙。上個禮拜四（一月二十二日），兩公婆去咗花墟睇花，長胎不長肉嘅 Yumiko，六個月肚健步如飛個樣又精神，但身邊嘅 Andy就係咁擘大個口放蚊，一睇就知吊煙癮！
Andy吊煙癮「放蚊」，仲要行路慢過大肚婆， Yumiko見到都忍唔住笑。
著住件闊身衫，唔多見肚嘅 Yumiko，同老公行花墟，睇定過年布置用品。
