2015年1月12日星期一

熊黛林繼續演「葉太」甄子丹：我呢個版本專一子丹,熊黛林,甄子丹,

【又拍葉問】熊黛林繼續演「葉太」甄子丹：我呢個版本專一

2015-01-12 13:58:00

(攝影：陳順禎)

甄子丹、鄧麗欣、鄭敬基、林欣彤等今日去到機場富豪酒店參與保良局「實現千歲願」安老籌募活動開展禮，歌手嘉賓獻唱助興，保良局主席梁安琪指今次「一人一願」項目已為超過1,000名長者達成心願。

特意穿上紅色外套嘅甄子丹謂，希望可以俾到長者朋友喜慶感覺，佢又提意長者們好似佢嫲嫲咁，得閒打打麻雀，有助強身健體。

子丹話本身著重家人聚會，甄子丹指不時與家中長輩接觸，他說：「我同長輩相處都好有經驗，我嫲嫲離開時都有106歲，幾年前佢喺波士頓過身嗰日，我正喺大陸拍戲，一收到電話就立即買機票趕返去，點知未上機，已經知道佢好安詳咁離開。因為我係嫲嫲湊大，所以我自己好著重呢種跟長輩之情。」

近日子丹開始再練木人樁，為農曆年後開拍嘅《葉問3》做準備。問到是否照舊由熊黛林演太太？子丹話:「應該係，我呢個版本葉問好專一，得一個老婆。」咁梁朝偉版本嘅葉問，又的確多情咗少少嘅……子丹又笑指好多人覺得佢著起長衫便會葉問上身，已經不只一人咁講。