網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年1月21日 星期三

[FACE - 400 - 大專校園] 澳洲學整餅 靚女廚神 35,000信眾甜死人 MF,




劉曉濤( Laurette)

法國藍帶廚藝學院(澳洲分校)

廚藝管理高級文憑(甜點師)

澳洲生活出名慢又休閒,鋪頭 7點幾就關門,所以 Laurette通常都返屋企睇書或者煲 YouTube,「雖然冇街行,不過好過喺香港太急促,個人會好攰!」

U花 U草

澳洲學整餅 靚女廚神 35,000信眾甜死人

女神加甜品堪稱係 ig界嘅神級武器,呢個最強組合一出,幾萬 followers真係走唔甩。

同樣愛貼甜品相嘅靚女 Laurette,自家 ig就有 3萬 5 followers,不過佢同其他女神有別,貼嘅相多數係自己親手整嘅甜品,因為整甜品了得,聖誕仲開班教人整曲奇,一齊開心「些牙」整餅秘技。

Laurette 8歲開始愛上甜品,考完 DSE仲立即飛去澳洲讀有「甜品木人巷」之稱嘅法國藍帶廚藝學院(分校)學秘技。國際級廚藝學府兩年學費就要成 30幾萬,學嘅嘢當然唔係畀份食譜、叫你跟住整咁簡單。「個課程要讀兩年幾,除咗要學識唔同料材嘅特性,廚房管理、食物安全、甚至係甜品名嘅德、法文名點講都要學,唔係堂堂都有得整餅咁開心!」

身高只有 153cm嘅 Laurette自爆好難買衫,「澳洲啲鬼妹 size邊啱我着,所以我買都係買童裝,返香港買就多啲有得揀!」

Laurette 5歲開始學芭蕾舞,學到 12歲,「𠵱家有時都會腳痕想跳舞,跳芭蕾舞真係好靚。」

19歲嘅 Laurette喺澳洲冇 hea過,除咗返學之外,仲把握機會到唔同嘅甜品店打工,學多啲嘢,「有次個甜品師傅要離開悉尼一個月,我嘅工作就係要替代佢,起初大廚會喺隔籬幫手,之後就淨番我自己一個人去完成唔同甜品。第一次整 12吋嘅蛋糕,仲要有好多材料,很難相信原來我可以做到,以前我個人比較自卑,但整甜品令我好有成功感,所以即使有我認為好難嘅 cake要做,我唔會再講 I can't,而係講 I'll try!」

穿起藍帶學院制服有板有眼嘅 Laurette,就話自己手藝未到家,成日唔小心切到手指流血不止。

Laurette平時每星期點都整一、兩次甜品,近排佢就試咗用糖霜整咗個芭比蛋糕。



鍾意就快D Share啦!