[FACE - 400] 你最討厭嘅港女行為？ MF,

全知言

你最討厭嘅港女行為？

拍旅遊節目晒下手袋晒下鞋，就搞到杜如風被喪插係世界級港女，唔知仲以為佢殺人放火十惡不赦添！究竟港女嘅行為係咪真係咁犯眾憎呢？

今期全知言問過一班藝人，全部都講得出港女有咩惡行，唯獨伍詠薇力撐港女無罪兼自認港女，果然夠勇！

梁漢文　迫男友攞手袋

迫個男朋友或者老公攞手袋，呢樣嘢係排第一！有次我太太拎住好多嘢，咁我話不如幫你拎手袋啦，佢即刻話「唔好喇，唔好睇呀！」我諗諗下又覺得呢件事真係唔應該做。所以希望女士們唔好迫你男朋友攞手袋！

伍詠薇　自認港女

我覺得港女幾有 style，好容易會知道呢個係香港女仔，我鍾意㗎，因為我自己都係港女！哈哈哈！

楊洛婷老公 Tim　唔知自己要乜

成日要求一啲嘢，其實又唔知自己要乜，但又要扭計又要發脾氣！你唔知佢要乜，然後佢又話你唔 care佢！

艾威　大聲講電話

大庭廣眾下大聲講電話係幾影響人！因為你傾啲嘢係同大家無關，而發出嘅聲響會變咗一種噪音，咁就唔係幾有禮貌

李思欣　自以為是

港女最討厭係自以為是！乜都顧住自己，好似自己大晒咁，有少少公主病。同埋出到街咩都要男朋友孭晒，咩都要男朋友俾錢，少少蝕底嘢都唔會做！

街坊勁數劣行

Yami　事事老奉

黐飲黐食，又嫌啲嘢唔好食，又唔識講多謝，覺得老奉！

Wallace　講是非

講人是非，或者喺背後講人哋，講人壞話唔係咁好！

陳生　拜金

拜金同公主病！好容易就發脾氣，咩都要就佢，唔啱就即刻要嘈！

鍾意就快D Share啦！

下一篇 》