全知言
我最喜愛的性感女神
每個人心目中都有一個女神，老一輩嘅可能會揀 90年代嘅葉玉卿、或者邱淑貞，年輕一輩可能會揀韓國女神李成敏 Clara，國際化或者會揀莎賓娜，當然仲有好多好多選擇，梗有一款啱你口味。
今期全知言就搵嚟唔同界別嘅名人，同大家分享吓佢哋心目中嘅性感女神。唔知有冇同你撞啱口味呢？
梁齊昕揀 Charlize Theron
我最喜愛嘅性感女神會係 Charlize Theron，佢嘅所有都好吸引我。樣、身材、佢嘅出身、背景、佢嘅 life story、佢嘅演技。佢 03年嗰套《 Monster》攞咗奧斯卡，佢演技超好，同埋佢真係好靚好靚好靚！
JW揀 Beyonce
我心目中最性感嘅女神應該係 Beyonce。因為對我嚟講，我覺得一個性感女神唔一定係佢着衫有幾暴露，而係佢嘅 confidence（自信），佢嘅 talent（才藝），當全部擺埋一齊我覺得會係一件好性感嘅事，特別係佢跳舞、唱歌嘅時候，我覺得係更加性感。
周汶錡揀 Angelina Jolie
我心目中最性感嘅女神，我諗會係 Angelina Jolie。因為我覺得佢個唇好性感，而且佢有一種好自然、性感嘅感覺，我覺得係整體嘅，髮型、眼、整個五官出嚟嘅感覺，真係我嘅性感女神。
朱慧珊揀瑪麗蓮夢露
我最喜愛嘅性感女神會係瑪麗蓮夢露，佢已經係一個經典喇。因為佢嘅性感不在於佢嘅身材，而係喺各方面，例如笑嘅時候，或者佢有好多唔同嘅表情呀、眼神都係好性感嘅！所以我覺得佢絕對算係一個超級嘅代表人物！
街坊愛台星
黃小姐揀徐若瑄黎姿
台灣我會揀徐若瑄，如果香港，我鍾意黎姿！除咗身材、樣貌之外，佢哋嘅氣質俾人嘅感覺都好性感！徐若瑄係個樣得意得嚟，原來身材都好好！
程先生揀林志玲
佢幾得體，佢成個身形都好合比例，不過無乜特別留意佢其他演出，因為佢主要係做 model工作，無乜點睇佢嘅戲，因為影評一般！
|
鍾意就快D Share啦！
|
|
|
