2015年2月19日 星期四

[忽然1周 - 1021] 拉姑潮爆  KO陳淑芬 拉姑,狄波拉,MW,




拉姑同陳淑芬雞啄唔斷,無論點睇,拉姑真係「索」好多。陳淑芬講到興起仲大力捽鼻,嘩!小心捽鬆喎!

媽咪姐

拉姑潮爆  KO陳淑芬

年過 40又 keep得好,就叫「美魔女」,查實年過 60仲好索嘅,咪仲襯呢個稱號。媽咪姐前排去 shopping,遇到拉姑同男友人行 ifc,咪睇佢已經 63歲,孫都有兩個,佢嗰身潮人打扮,真係閃到爆!拉姑單手吊住個袋,邊行邊講電話,睇嚟約咗姊妹嘆茶,果然轉頭就見佢入咗間餐廳,陳淑芬冇耐就到喇!佢哋年紀差唔多啫,但陳淑芬嘅 outlook真輸拉姑幾條街。其實阿芬姨副身家都講億億聲,都搵夠啦,就算冇再幫學友接騷,冇需要見人,但作為女人都好應該執吓個 look,好似拉姑咁 keep住靚吖嘛!

拉姑嘅豹紋衫、閃閃靴加埋蛇皮手袋,同色動物系列,襯到絕。仲要閃成咁,真係離遠都見到佢呀!

睇番前新抱張栢芝真係深得拉姑真傳,當日去完東京換季返港,就着住 Chanel價值 10萬嘅秋冬裝出現,連條頸鏈同手袋都係同一品牌㗎!

鍾意就快D Share啦!
Related Posts Plugin for WordPress, Blogger...