掃呢頁CODE去手機

2015年2月19日 星期四

[忽然1周 - 1021] 卓林搶吳綺莉鏡 卓林,吳綺莉,MW,




吳綺莉寫潮版揮春,仲同囡囡卓林一齊賀年,但係囡囡怕醜,唔願上鏡。

媽咪姐

卓林搶吳綺莉鏡

過年寫揮春喺好平常嘅事,不過揮春都有「型」版,好似吳綺莉( Elaine)就用毛筆、 marker加埋簽名筆嚟寫,字形仲好得意,以圖畫、公仔同剪紙混合而成,齋睇都好開心。

不過 Elaine竟然俾囡囡卓林搶鏡,因為卓林寫咗張 stencil font嘅揮春,塗鴉味甚重,貫徹佢嘅繪畫 style。卓林嘅中文唔係太叻,所以就寫「 Happy New Year」。 Elaine話:「我成廿幾年未拎過毛筆同剪紙,依家出來效果都唔錯,但竟然俾個女搶我鏡㖭。」卓林嘅藝術天份深得媽咪真傳。早前 Elaine開畫展嗰陣,卓林都有拎作品出來展覽,反應唔錯。 Elaine話:「佢啲畫都有朋友買,好支持!」嘩!卓林努力呀!

3個月前吳綺莉喺上環開畫展,囡囡卓林去咗撐場,但佢話:「我想同囡囡 crossover(畫畫),不過佢又懶又貪玩,一直未有構思。」

卓林用 stencil font寫揮春又幾有特色喎!不過似放大版賀年卡多啲。

吳綺莉話自己有成廿年無玩剪紙,不過剪時都有板有眼。

鍾意就快D Share啦!