熱爆娛樂: [壹週刊 - 1302] 上岸了　試定裙褂　葉翠翠 7.11閃嫁離婚男翠翠,葉翠翠,M1,

2015年2月19日星期四

[壹週刊 - 1302] 上岸了　試定裙褂　葉翠翠 7.11閃嫁離婚男翠翠,葉翠翠,M1,

離開裙褂店時，葉翠翠滿臉笑容，男友則拎住一袋結婚物品。

探熱針

上岸了　試定裙褂　葉翠翠 7.11閃嫁離婚男

現年三十三歲，由窮港姐變有豪宅揸手的葉翠翠，跟平民董事 Raymond拍拖，即使對方曾經離婚並有個十一歲女兒，葉翠翠不介意照單全收，早前更答應男友求婚，今年七月十一日出嫁，做羊年新娘。

多次求婚

有了麵包，葉翠翠開始追求愛情。去年多次被拍到跟四十多歲建築師男友 Raymond（周曉東），拖手行街甚至在街頭熱吻，拍拖半年，男友已經多次求婚，上月，葉翠翠終於答應做周太。

「其實兩個已經識咗一段時間， Raymond從來冇隱瞞自己離過婚，有個十一歲女嘅事，最初來往得唔算密，直至翠翠媽咪舊年年中過身， Raymond幫手搞喪禮，又特登請假陪住情緒好差嘅翠翠，就咁開始咗。其實拍拖無耐， Raymond已經開口話結婚，上個月翠翠終於應承嫁。」知情者說。

據了解， Raymond跟離婚多年的前妻是和平分手，離婚後，他將一半身家分給對方，女兒跟媽咪生活，他亦有盡父責，供女兒生活費，即使跟葉翠翠拍拖，他也特地安排三人食飯見面。

換上金色裙褂，葉翠翠即走到全身鏡前，跟着再問男友意見。

在店內試完裙褂，葉翠翠跟男友同職員傾了好一陣。

母親病逝後翌日，她依舊返電視台開工，不過接受訪問時，卻忍不住淚流滿面。

葉母病逝後，她經常被拍到跟葉父外出吃飯。

跟男友鍾意玩煮飯仔，二人會拍拖到街巿買餸。

四季擺酒

「翠翠冇介意 Raymond離過婚，況且都係過去咗嘅事，重要係對方錫唔錫佢，係咪對佢全心全意。」

由於男家大部分親人在外地生活，葉翠翠自己的親友也不多，所以好快已經搵到婚宴場地，鐵定今年七月，在四季酒店擺酒。

「兩個人都要做嘢，婚禮要搵 wedding planner幫手，翠翠已經諗好，搵合作《姊妹淘》幾個女仔做姊妹，因為怕到時大家要開工，所以要預先 mark住大家啲期。」知情者說。

早前葉翠翠拖男友到佐敦試裙褂。在店員推介下，葉翠翠逐套試，又走出試身室問男友意見，搞到差不多三點，二人才離開。

葉翠翠買了兩個賽西湖單位，其中一個在前年賣出，她之後再購入將軍澳日出康城一個七百多萬單位，以賬面睇，身家半億。

早前拍劇集《梟雄》，扮演警察的她跟一班同事玩自拍。

去年底被拍到跟 Raymond街頭熱吻，她之後出席公開活動，亦大方承認男方細心體貼是結婚對象。

過去唔重要

去年出席台慶活動，她穿超 deep V晚裝搶晒鏡。

有關做七月新娘，葉翠翠直認不諱。

「係呀！（會搵《姊妹淘》幾個女仔做姊妹？）都未定晒，姊妹團有幾個係同我同屆港姐，有幾個 artist，但都未搵齊人。（男友離過婚仲有個女？）呢啲都係過咗去嘅事，最緊要係佢對我好，每個人都有過去，唔係重要問題，我唔會介意佢離過婚同有個女。（會唔會同 Raymond個女一齊住？）小朋友都係跟佢媽咪嘅。唔該晒。」

還有半年就做人妻的葉翠翠，聲音充滿喜悅。恭喜恭喜！