2015年2月19日 星期四

[忽然1周 - 1021] 維園買桃花 細細粒:「我想有拖拍!」 細細粒,MW,




細細粒行咗幾檔揀桃花,睇見佢又摸又索揀完一大輪,最後揀咗棵兩呎嘅小桃花。仲俾佢由 300蚊講到 280,幾好意頭吖!

媽咪姐

維園買桃花 細細粒:「我想有拖拍!」

呢年媽咪姐唔多鍾意同人逼,所以專揀日頭去行維園年宵,費事俾人踩腳又會咁啱撞到老友細細粒(陳嘉佳)嚟買桃花喎,咪一齊行囉。佢同媽咪姐講,做藝人真係好需要桃花,觀眾緣好重要㗎!佢話:「我係第一年嚟買咋,就快 30歲,都想有拖拍㗎嘛!」果然目標明確。見佢行咗冇耐就使咗 320蚊,買咗棵桃花同兩張揮春。咪以為佢買完勁快走,實情喺年宵花市留咗兩粒鐘,事關唔少人認得佢,捉住佢影合照,有叔叔仲讚佢「好靚女」。唔使擔心冇人愛

有個檔主見細細粒行到攰,就請佢飲杯嘢,但睇佢表情,似乎中招喎!但係咁,又有藉口去買缽仔糕漱口,食多啲!食多啲!

細細粒喺維園俾人圍,搵佢合照,仲男女老少通殺,果然勁!

鍾意就快D Share啦!