全城熱爆的娛樂八封新聞 & 時事趣聞 & 生活 + 趣聞
有食家在場，紅姑同闊太 friend機不可失，不停攞料。
商業社會，只要加少少包裝形容，乜都可以標籤化，最耳熟嘅，莫如星級兩字；食店商鋪，無論平貴，有名人效應就多人排隊幫襯。
上星期一（二月九日），《壹》仔喺星級九龍城街市掃街，見到年過五十都星味濃郁嘅鍾楚紅，同個闊太 friend喺海味鋪買買買，平嘅貴嘅，求其執啲！買買吓，每日都去九龍城報到嘅蔡瀾都嚟埋；食家在場，點配搭有乜功效，親自教路。有蔡瀾做燈，鍾楚紅兩大袋走。呢個農曆年，發財（髮菜）好事（蠔豉），有齊！
蔡瀾同海味鋪太子爺（戴眼鏡）交換心得，紅姑在旁偷師。
冬菇蠔豉花膠，過年唔少得，平日一定湯水足嘅紅姑，買埋茨實。
搞掂走先！紅姑先同蔡瀾攬攬錫面。
買咗兩大袋走嘅紅姑，同《壹》仔揮手拜拜。
