熱爆娛樂: [壹週刊 - 1302] 賀歲戰　周秀娜陰招撐金鴨周秀娜,M1,

2015年2月19日星期四

[壹週刊 - 1302] 賀歲戰　周秀娜陰招撐金鴨周秀娜,M1,

同你吟一吟

賀歲戰　周秀娜陰招撐金鴨

賀歲檔電影陸續舉行首映禮，以吳君如為首嘅《 12金鴨》因為冇大陸市場，靠晒香港票房，上星期五（二月十三日）响尖沙咀搞首映禮，出動老公陳可辛遙控航拍機，向佢送上 12卡鑽戒加一個大 kiss，大龍鳳！

賣完溫馨，到夜晚 after party，吳君如請嚟「亞洲第一舞男天團」 X-John，打煲剝衫跳艷舞，更主動行埋去觀眾席，邀請現場女嘉賓餵食蕉，或者出嚟台前一齊跳舞。

一向大膽嘅周秀娜，舉起雙手同「真鴨王」玩人肉風車轉，不過對方隻手落點中正娜姐敏感部位，都咪話唔尷尬。

娜姐唔單只露 bra邊，重俾「真鴨王」手踭撞胸，啲手指仲……自己睇圖！

DaDa都好玩得，願意當眾「被餵蕉」。

响《 12金鴨》做串星嘅周秀娜出埋陰招力撐，粒粒巨星坐鎮嘅《賭城風雲 2》，就由啱啱响北京、成都做完宣傳返嚟嘅男主角發哥，繼續同發嫂 fit爆落場，民間特首同張家輝、劉嘉玲做完首映瞓醒覺，第二日又要出發，北上做廣州首映。

至於談情說愛嘅《衝上雲霄》，就算有鄭秀文吳鎮宇古天樂張智霖鬥 chok，但要打硬仗，齋擺 pose，點都差啲力水。