掃呢頁CODE去手機

2015年2月27日 星期五

[忽然1周 - 1022] 吳啟華夫婦各自蒲 囡囡冇人理 吳啟華,MW,




吳啟華話熙兒臨出發去泰國先嚟病,只好留喺香港,所以帶咗佢去嘉年華玩,不過係一個月前嘅事囉!

媽咪姐

吳啟華夫婦各自蒲 囡囡冇人理

離咗婚嘅吳啟華,之前又話老婆可以冇,但點都要爭番個女。不過大時大節,佢又話囡囡要返長春陪外婆過年,自己好 dry過節喎!講到咁慘慘豬,最後咪俾人見到佢掛住過大海豪賭,仲清袋先返香港囉。







媽咪姐真係戥囡囡熙兒陰功!爸爸吳啟華平時掛住登台、拍戲,得閒就炒股搵食,過年又跟三哥苗僑偉去美國剪綵,順便去賭場玩吓,對上一次陪囡囡已經係一個月前嘅事。而阿女個媽咪石洋子就忙住 shopping扮靚,出街都冇帶埋囡囡。有咁貴人事忙嘅父母,真係唔知講乜嘢好咯。

之前自爆農曆年會同三哥三嫂去美國嘅吳啟華(右一),去完賭場開幕,順道坐直升機參觀大峽谷,搵得嚟使得去。

石洋子過年期間擺咗唔少相上網,不過囡囡冇出現過。但佢孭住 Chanel手袋、「土豪金」 iPhone同除晒鞋喺間舖攤唞,好有強國風味。

雖然吳啟華鍾意賭錢,但佢仲係吸金力強,唔只多登台騷,聽講佢拍劇嗰陣,成日睇住個市入貨,炒股賺唔少。

鍾意就快D Share啦!