我真人係咪靚過上鏡啫?（真實對白）
梁齊昕行為出位，無非想得到外界的關注及關愛。《蘋果日報》圖片
滾熱辣
新戲延遲開拍 齊昕開會又喊又笑
全城關注的「 CY女」梁齊昕，本月初突然宣布接拍處女電影《男極探射燈》，與男主角李逸朗飾演情侶。
齊昕一向我行我素，言辭激烈，神化行為無日無之。《男》原定三月八號開拍，主要演員亦在一月開過會，齊昕在會上突然時喊時笑，令人側目。
近日，本刊又收到消息指《男》延遲開拍，求證導演劉俊輝，他承認延期，並指劇本「未搞掂」，強調與齊昕情緒喜怒無常無關。不過，他也直認齊昕難控制：「依家做緊馴獸師。」
其實自齊昕去年十二月被踢爆自薦做模特兒後，已成為傳媒焦點。上有線電視數老竇 CY，再宣布接拍電影，齊昕的進取攻勢一浪接一浪。上周一（ 16日）晚，齊昕高調現身新戲拍檔阿 Don（李逸朗）音樂會時，因 Deep V露乳貼贈興，加上左手現疑似𠝹手傷痕，再次成為焦點。當晚睇完騷食完消夜的她，更黐住阿 Don，叫對方帶佢出去玩，當被拒絕時，她嘴扁扁眼濕濕說︰「個個都走喇？」
一時一樣難捉摸
唔講唔知，齊昕除了寸爆及神化外，她的情緒亦很容易大起大落。據知眾演員與導演劉俊輝在一月開會傾角色時，席間齊昕亦時笑時喊。「嗰日大家開會傾吓角色，佢（指齊昕）突然時笑時喊，又自己同自己講嘢，佢個人雖然坐喺度，但就似魂魄唔齊，唔知遊咗去邊。呢一分鐘應承，下一分鐘又話唔好，好難捉摸好飄忽。」與會工作人員說。
開會自言自語
雖然齊昕簽了合約拍電影，但其難以控制的性格及情緒，加上「特首女」身份，有傳電影亦因此一波三折，諸多阻滯，最新消息指電影會延遲拍攝。本刊致電導演劉俊輝，他直認難於 3月 8日如期開拍。他說：「會延遲少少，擇日開拍。（係咪受到壓力？）冇壓力，係劇本未搞掂啫。」問到齊昕係咪罷拍？他滿有信心說︰「齊昕會照拍。」
預咗因為齊昕超支
問到齊昕一月開會時，情緒大起大落，劉避重就輕話：「唔…係呀！可能有啲……有啲外國嗰啲，佢唔似啲香港女仔。（好難控制？）依家做緊馴獸師，控唔控制到就天注定喇。」劉俊輝更說做好心理準備，預咗會因齊昕情緒變化影響拍攝進度而導致超支，但他很包容：「佢係新人，要花多啲時間同工夫，都係預算之內（指超支）。」
《男》片女主角因為是齊昕，未開拍已收宣傳效果。不過，宣傳焦點全落在齊昕身上，令 2013年亞姐出身的第二女主角王錦睿（ Regine）甚不是味兒，遲遲未簽約落實接拍。「 Regine喺戲中飾演妓女，齊昕飾演社工，佢哋好多對手戲， Regine覺得點演都會俾齊昕搶鏡，所以仲同導演拉鋸緊。」知情者說。
劉俊輝卻表示：「有部分演員簽咗。（ Regine係咪做第二女主角？）係呀！佢已落實接拍。」但 Regine用微信回覆本刊，表示還在考慮是否接拍，而且與齊昕風格不同，覺得不會有比較。至於齊昕情緒問題，她不願多講：「暫時不方便透露，也不評論別人呀。」
至於男主角阿 Don，似乎未知電影延期開拍：「我暫時仲未收到延期開拍嘅通知。（齊昕情緒是否大起大落？）我又唔覺，始終只係見過佢一次，但有咁嘅對手好開心，總之依家仲未知幾時會開會對劇本。」
其實齊昕情緒化，對她演戲時可能帶來正面的影響，在現實世界中未能宣洩的情緒，有望可以透過拍戲釋放出來，點都好過屈住屈住玩𠝹手吖！
怪行逐格睇
早在去年佔中，齊昕已與網民對罵，其後神化行為，亦成為大家茶餘飯後的話題。
|
鍾意就快D Share啦！
|
|
|
