插圖： Wendy
揞名爆
「多計」買車算到盡 扮嘢𠱁經紀
「多計」扮嘢叻就係人都知，佢仲將呢份才能用埋喺生活各方面㖭！媽咪姐有個喺車行做嘅 friend，最近就收到風，話「多計」買車都計得好盡吓！
事緣「多計」近年搵到錢，就想買架成 80萬嘅靚車揸，威吖嘛！而佢又一向鍾意問人攞折，慳得就慳。不過，「多計」睇中嗰部係歐洲車，又係 hit model，佢死個經紀好耐，都攞唔到佢心目中嘅「靚折」，終於，佢出到撒手鐧！就係同人講，話自己諗住買兩架，同未婚妻（依家係老婆嘞！）一人一架揸情侶車。咁經紀計一計，兩架車加埋要成百六萬，個銀碼咁大，啲佣都幾唔錯！最後決定俾個「靚折」。
咳咳，咁故事發展落去，當然就好似唔少都市騙案一樣，「多計」最後係就係買兩架車，但佢俾錢買咗自己嗰架 80萬 dream car後，就話未婚妻手車麻麻哋，都係買架 40萬嘅車俾佢算喇喎！ Well，車價平成半，經紀份佣當然少咗好多，仲要蝕個折俾「多計」㖭。無嘅，有啲揼心囉！
邊個係「多計」？
•做電視，又拍戲。
•老婆又靚又高㗎！
|
鍾意就快D Share啦！
|
|
|
