2月 13日：心急上機
情人節前夕，俞琤清早孖住何超瓊搭私人飛機飛峇里。何超瓊心急上機，俞琤就殿後打點行李。
滾熱辣
為見賭王吵大鑊 俞琤 3百萬包機箍超瓊
香港女首富何超瓊， 2010年被爆「瓊俞戀」，與商業電台副主席俞琤情投意合，超瓊並以「難得知己」形容對方， 2012年兩人再被傳媒直擊巴黎蜜遊。
「瓊俞戀」四年多來，表面上無風無浪，不過，原來去年尾「瓊俞戀」已現暗湧。今年一月中，俞琤因為強烈要求超瓊引見賭王被拒吵大鑊，兩人冷戰近半個月。不過，冧女無數的俞琤，即出動撒手鐧，送完首飾再豪擲 3百萬包私人飛機，請超瓊遊峇里箍煲，終於冧番掂這位女強人，過一個熱辣辣的情人節。
在 2012年初，熱戀中的「瓊俞戀」為了避開大眾耳目，盡情享受拍拖，選擇飛到巴黎蜜遊度新歲，可惜仍難逃傳媒追訪，被直擊煙韌繑手。
今年，瓊俞再次出埠，不過今次唔係蜜月旅行，而是箍煲之旅。 2月 13日，約早上 8點半，瓊俞坐住超瓊的寶馬房車從歌賦山寓所出發，直駛到赤鱲角私人飛機的停機坪。甫落車，身穿白色長褸襯牛仔褲的超瓊，頭也不回直入香港商用航空中心，而俞琤則吩咐機場的工作人員代為攞行李，之後便追上前會合超瓊。
據知今次的峇里箍煲之旅玩足五日，俞琤更豪花三百萬訂定私隱度極高的六星級酒店，請埋超鳳同超儀夫婦一起去，實行一家親峇里度情人節。俞琤今次咁大手筆，皆因之前激嬲咗超瓊。
想見賭王被拒
原來兩人交往四年以來，俞琤一直有個心結，是想成為何家的一分子。知情者說︰「 YT（俞琤）早兩年已經好想 Pansy（何超瓊）帶佢見賭王同二太，鞏固佢喺何家嘅地位。但 Pansy心知父母到今日都接受唔到 YT，所以家族活動一有賭王或二太， Pansy都係單拖去。
「賭王近年病情反覆，二太身體又唔係太好， Pansy成日去醫院探賭王， YT梗係想陪埋佢去探兩老當然 Pansy又係請佢食檸檬！咁 YT都有脾氣，覺得自己唔受尊重。」俞琤因為未能「面聖」，終於忍唔住同超瓊頂嘴，加上兩人於一月因廣告合作有意見分歧，有人借啲意發難，兩人冷戰近半個月。
俞琤呻黐身欲分手
俞琤亦向友人呻爆，嫌 Pansy麻煩及黐身，更爆響口話想向超瓊提出分手。「 YT把口就話想分手，但佢點會吖！佢其實好鬼緊張 Pansy就真。 Pansy對 YT好好，佢哋一齊冇耐， Pansy嘅公關公司介紹咗好多客戶喺商台落廣告，嗰兩年商台嘅廣告收入大增㗎！佢哋嘅關係咁密切，點會話斷就斷！」知情者說。
52歲的何超瓊，至今仍是工作狂，不時都要港澳兩邊撲，還要探望年老的父母，不能經常長伴俞琤左右。而本來住在元朗葡萄園的俞琤， 3年多前為了爭取時間親近 Pansy，寧願捨棄寧靜的生活，搬入超瓊香閨過着同居生活。密友是香港女首富，俞琤自己又是一台之主，兩個強人相處，俞琤往往是讓步的一方。
俞琤與超瓊冷戰半個月後，終於按捺不住主動箍煲。據知為冧番超瓊，俞琤先送首飾，繼而再搵超鳳及超儀幫手，為她安排私人飛機，又訂好 resort。咁超瓊見密友認低威亦心軟，在情人節前夕，才答應俞琤同遊峇里，破鏡重圓。
兩人在峇里度過熱辣辣的情人節後，超瓊在年廿九早上趕返香港，同二太食團年飯，當然有家長的飯局，俞琤又冇份
豪花 300萬包機
有錢人為了方便隨時出埠，以私人飛機出遊是閒事。不過買私人飛機入場費動輒逾億元。就算如俞琤今次包私人小型飛機出遊，雖然只是短途，但 300萬亦冇走雞。
箍煲旅行唔多掂
「去旅行」被不少圈中情侶視為挽救感情的「強心針」。不過，事實證明這些「箍煲之旅」，原來唔多 work。
伊健 Gigi赴日本
06年初協議分手後，鄭伊健與梁詠琪欲斷難斷，曾於年中去日本睇演唱會，展開箍煲之旅，但兩人最終仍是分手收場。
名女人旺伴侶
搵個旺夫嘅老婆，係唔少男人嘅願望。圈中不少當紅女藝人，都成功帶挈伴侶商機無限，撈到風生水起。
|
鍾意就快D Share啦！
|
|
|
