網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年3月26日 星期四

吳鎮宇電髮扮 Cool魔 [壹週刊 - 1307] 鎮宇,Cool魔,吳鎮宇,M1,



俾任達華笑貪靚嘅吳鎮宇電咗髮之後,髮型幾乎同 Chilam一模一樣。

同你吟一吟

吳鎮宇電髮扮 Cool魔

一年一度,由貿易發展局牽頭嘅「香港影視娛樂博覽」,星期一(三月二十三日)開鑼,多間電影公司擺檔賣片同公布年度製作大計外,仲會乘機晒冷,宣傳即將上畫嘅新片。

是日有份出席活動嘅演員近乎全男班,其中以太陽娛樂《殺破狼Ⅱ》陽氣最盛,包括古天樂、 Tony Jaa、吳京、任達華、張晉、林嘉華、姜皓文、 Baby John、恭碩良、盧惠光…… man到呢!

芸芸壯丁中,就以繼《盂蘭神功》後再次自導自演,開拍《陀地驅魔人》嘅張家輝最出位,一頭銀白髮,型爆!為咗新戲造型,張家輝要剃光頭戴假髮,慳時間又唔使成日漂住咁傷,不過就俾囡囡 Brittany話佢冇頭髮好醜樣。

除咗張家輝,用個頭嚟搞花臣嘅仲有代表英皇《衝鋒車》落場,電咗髮嘅吳鎮宇,雖然冇晒《衝上》 Sam哥「朕除」,但失驚無神變咗 Cool魔,好邪!

陽氣重嘅《殺破狼Ⅱ》,除咗有打得 Tony Jaa、吳京、張晉同盧惠光,又點少得拍片量全港之冠嘅古天樂呢!

同英皇簽咗兩部片約,將會同林超賢(中)再合作嘅張家輝,為咗自導自演鬼片造型,剃頭戴假髮,方便開工,但返到屋企,就俾寶貝女笑佢醜。

繼《小姐誘心》後,劉心悠同周柏豪喺新片《我老婆係明星》再做夫妻,出席影視博覽當日,心悠係咁意,露少少。

鍾意就快D Share啦!