衰貪靚 全組拍手掌 江美儀踩徐子珊：蠢真係無得醫！ [FACE - 414] 徐子珊,江美儀,子珊,MF,

前週五（ 17日），徐子珊出席完《以和為貴》宣傳活動後，即換衫趕去銅鑼灣。一向愛穿高踭鞋的子珊，當日亦着住 4吋豆零踭行街，唔怕腳痛。咁貪靚，唔怪得江美儀都忍唔住口寸佢。

真面目

衰貪靚　全組拍手掌　江美儀踩徐子珊：蠢真係無得醫！

近排神劇《大時代》重播，很多人晚晚趕返屋企煲劇，反而黃金檔期播放的大台劇冇乜人理，就連《以和為貴》上週大結局都冇乜人關心。

雖然《以和為貴》已經播完，但最近先有八卦新聞流出。《 FACE》收到消息，指劇中女主角徐子珊於拍攝期間原來被飾演她表姐的江美儀狂寸，拍攝時不停爆她在家都要着高踭鞋、寸她貪靚，還暗寸她蠢真係冇得醫，搞到工作人員拍手偷笑。兩位阿姐，一啲都唔「以為和貴」喎！

已貴為大台一姐的子珊，落車當然有專人幫佢開車門，甚有氣派。

徐子珊一向人緣麻麻，多年來傳出唔少不和傳聞，剛於上週五播完大結局的大台劇《以和為貴》，又傳出被劇中的大配角江美儀明玩暗寸。

之前已傳出徐子珊一向靠樣搵食，所以貪靚的她，今次拍《以和為貴》便被江美儀爆肚作對白狂寸。話說有一場講飾演她表姐江美儀與她在屋企的戲份，原本 2人在埋位前已傾好，要做出搞笑效果，點知正式演出時，江美儀見徐子珊在屋企都着住高踭鞋行來行去，卒之忍唔住在對白加多句：「喺屋企着乜鬼高踭鞋」搞到子珊非常尷尬。

劇組拍手偷笑

雖然子珊與美儀傳不和，但亦做足本份孖埋有份演出的朱千雪一齊合照，果然好戲。網上圖片

寸人唔使畀面的江美儀，寸得一次唔爭在寸第二次，話說有場戲徐子珊要在江美儀面前喊，今次江美儀又再借拍戲寸爆子珊，突然爆肚講了一句：「愛滋有得醫，蠢真係冇得醫！」據說拍完這場戲後，有不少工作人員拍手偷笑。

江美儀借拍戲明玩暗寸子珊，就此事前週五（ 17日）本刊趁《以和為貴》全體演員出席宣傳活動，即場追問美儀，但她卻拒絕回應，但最後都補句：「唔好陷我於不義！」點會不義，大家拍手掌㗎！

爆肚對白寸到應

《以和為貴》中，飾演子珊表姐的江美儀經常鬧子珊，據知當中一句「蠢真係冇得醫」係專登借做戲來寸子珊。電視畫面

劇中，江美儀每次鬧子珊都七情上面，非常肉緊，做到真嘅一樣。電視畫面

前週五（ 17日）記者趁江美儀出席《以和為貴》活動時，追問她與子珊不和一事，但美儀拒絕回應，還叮囑記者：「唔好陷我於不義」。

屋企着高踭鞋

子珊的確有很多場喺屋企的戲，都着住高踭鞋行來行去。電視畫面

除寸子珊蠢之外，還在另一場戲爆肚講句：「喺屋企着乜鬼高踭鞋」聽到現場工作人員拍手陪笑！電視畫面

姣男唔黐女

徐子珊自入行以來雖與不少男拍檔如吳卓羲等傳緋聞，甚有男人緣，但拍劇多年卻經常傳出與女拍檔不和、甚至被玩。

玩真摑

08年拍《美麗高解像》時，傳出陳敏之與徐子珊拍掌摑戲時，敏之堅打，搞到子珊要即時用冰敷消腫。

冇偈傾

《蘋果日報》圖片

由於同劇的伍詠薇與陳敏之 friend過打 band，有傳伍姑娘拍劇時唔多想與子珊溝通，兩人零交流。

勁爭寵

一向傳出徐子珊被老闆殼王陳國強寵愛，但 3年前殼王卻飛甩子珊，改捧高海寧，有傳失寵的子珊非常氣憤。

鍾意就快D Share啦！

下一篇 》