洗米華正印陳慧玲佗住「華種」七個月，飽受小三Mandy衝擊，佢之所以招架得住，相信都係因為洗米華識分庄閒，氹功了得！
舊年7月，Mandy同洗米華喺灣仔拍拖食飯，搶米事件首曝光。洗米華急補鑊，同年11月，帶埋老婆去歐遊慶祝生日，面貼面攬到實，力證周太永遠得一個。
之後又爆出人肉坐墊短片，洗米華即於12月拖老婆現身君悅酒店酒會，俾足面守住頭家的華嫂。其後洗米華再被影到同Mandy把臂遊泰國，於是喺農曆新年，佢亦自動交人，帶華嫂同親友出埠玩。
鬥到今年3月，Mandy遮肚返港晒鑽，非常招搖。同月洗米華出席澳門春茗派對，就高呼：「我是最愛我老婆的！」洗米華咁識做，華嫂亦都落力守住頭家。
