2015年4月29日 星期三

有好轉 藍潔瑛精神科攞藥積極治療 劉松仁:好掛住佢 [FACE - 414] 劉松仁,藍潔瑛,MF,



真面目

有好轉 藍潔瑛精神科攞藥積極治療 劉松仁:好掛住佢

一代神劇《大時代》重播,全城進入狂熱回帶 mode!

首週回帶焦點當然落喺劉松仁同藍潔瑛身上,神級演技遇上神級 29歲扮 19歲校服 look,一隻手指尾都捽死大台黃金時段三線膠劇!原來距離首播 23年,「新哥」同「玲姐」亦足足 23年失聯,新哥仲話好掛住玲姐添!掛住就去搵下人啦,周一(27日)剛滿 52歲,現年獨居於赤柱公屋嘅藍潔瑛一個人自由自在,仲乖乖定期返精神科覆診,生活穩定咗㗎!

上週二(21日),藍潔瑛獨自到東區醫院精神科覆診,輪症、攞藥付款全程一個人,睇完醫生仲識行埋一邊扯支煙。

拍完《大時代》 23年,藍潔瑛淡出娛樂圈亦有 11年,原來「玲姐」同「新哥」已經 23年冇聯絡。劇照

面書洗版王劉松仁接受《 FACE》訪問,直言:「好掛住佢(藍潔瑛),廿幾年冇見!」

神劇回歸,有份做神劇既台前幕後近日都成為傳媒翻炒目標,「玲姐」藍潔瑛當然亦唔例外。 04年客串亞視劇集《愛在有情天》後淡出,至今已經 11年,學似五台山年代好友鄧萃雯話齋:「唔係人人恨做明星!」連日出入都有傳媒守候,藍潔瑛真係唔多享受。

至於「方進新」劉松仁,原來亦已 23年冇聯絡藍潔瑛,本月 22日出席杜棋峯生日 P,松哥接受《 FACE》訪問,他直言:「好掛住佢,成廿幾年冇聯絡。(知唔知佢病情?)唔知,啲影迷都有問起佢,(玲姐好靚呀。)幾時都咁靚。」

短裙 look

覆診後兩日(23日),明知有記者守候,藍潔瑛照常出動,還着裙又化埋淡妝,精神不俗。

化淡妝

離開寓所後藍潔瑛在赤柱大街閒坐,有街坊請食 M記餐、又與街坊小孩開心互動,可見她已是多年熟客。

飲住可樂食住煙,藍潔瑛仲好自律,識得用咖啡杯裝煙灰。

「玲姐」:大時代有咩好睇?

《大時代》中玲姐痛失未婚夫、捱大未婚夫四個兒女、被丁蟹糾纏半生最後更慘死,有傳角色坎坷令藍潔瑛難以抽離。

息影 11年、同圈中人不相往來 11年,藍潔瑛雖然攞綜援住公屋,出門亦不刻意打扮,不過連日所見,日子其實過得自由自在,近日出入多了鏡頭伴隨,玲姐警覺性不失當年但仍自顧自他條出門、扯煙搭車、路邊小店坐一陣、又再嘆番罐可樂扯多支煙,一見街坊細路更再現久違了的笑容,坐到太陽落山才打道回府,全程鎮定不被鏡頭影響。原來情緒、精神有好轉,藍潔瑛唔使靠人冇須強逼,上週二(21日)更準時返回東區醫院精神科覆診,診後乖乖排隊繳費攞藥,照顧得自己妥妥當當。談到神劇回歸,仲開埋金口添:「有乜好睇啫?睇咗咁多次!」係嘅係嘅,《大時代》劇情大起大落、「羅慧玲」一生又極坎坷,唔係個個適宜回帶㗎!

玲姐孤伶伶

00年

破產又暴瘦入院,當年有傳邱淑貞、劉德華、曾華倩都曾借錢脫困。《蘋果日報》圖片

05年

開始靠綜援過活,外形走樣慌失失,盛傳精神欠佳卻不願就醫。圖片

07年

再傳子宮生瘤,要靠粉絲接濟度日,經常漫無目的在街上流連。圖片

09年

元朗、西貢搬完又搬,入住赤柱公屋前情況最壞,曾經踢拖遊蕩老蘭 12粒鐘。《忽然 1周》圖片

鍾意就快D Share啦!
Related Posts Plugin for WordPress, Blogger...