熱爆娛樂: 爆林心如有曖昧對象為百萬合約密冚林心如,

2015年4月29日星期三

爆林心如有曖昧對象為百萬合約密冚林心如,

林心如話咁快就已經出道廿年，由演員、歌手到升呢做老闆、製作人，事業得意之外，心如最近桃花都好旺，蘇有朋爆佢有曖昧對象，雖然心如就即刻否認，不過有消息指，心如因為要拍大陸節目，簽咗違約金高達上百萬嘅保持單身合約，先搞到佢有戀事都唔敢認。

心如拍呢個大陸節目時，就要同細佢四年嘅任重談姐弟戀，雖然心如事前話明對象要高、帥、六塊肌嘅條件，而任重都符合晒要求，不過佢哋第一眼就無擦出火花，之後蘇有朋又爆心如有曖昧對象，搞到製作單位好擔心，驚心如嘅緋聞會影響收視。