2015年4月29日 星期三

鬼妹仔 翻脹俾鬼撩 欣宜煲煙 high爆老蘭 [FACE - 414] 欣宜,MF,



顏噴

雖然欣宜身形又翻脹,不過都有鬼仔撩,佢仲對住佢噴煙,果然好玩得!

真面目

鬼妹仔 翻脹俾鬼撩 欣宜煲煙 high爆老蘭

鄭欣宜自從宣佈放棄減肥後,除咗得到大批網民力撐,新歌〈你瘦夠了嗎?〉 MV點擊率仲高達 50萬,夠勇氣有回報!

《 FACE》早前更野生捕獲欣宜同班 friend夜蒲蘭桂坊,飲咗兩杯,欣宜又拎起支煙扯兩口,翻脹欣宜仲成為鬼佬獵物,不停被撩添!不過事後欣宜都有歉意:「食煙危害健康,希望大家千祈唔好學!」

深抽

再次被影到食煙,欣宜就話唔擔心會影響形象,仲話自己講明做返自己之後,已經冇晒秘密。

摸頭

欣宜同班 friend坐喺條街吹水,女友人挨埋落大髀,欣宜就摸佢頭髮,好有大家姐 feel!

自細易肥的欣宜, 18歲已經被雜誌影到食煙,本刊早前就撞見佢孖住一班朋友到蘭桂坊夜蒲。當時坐係路邊的欣宜飲到臉紅紅,一邊和身邊女友人吹水,期間仲傾到手舞足蹈, high high地,欣宜順手拎咗女友人手上支煙食咗兩啖。

「我冇秘密!」

上週六,本刊問到欣宜食煙一事,欣宜一睇啲相就說:「我都唔好意思被影到呢啲相,不過我已經 28歲,當然我唔係 perfect嘅,有時候會同朋友係蘭桂坊飲酒,飲酒都會食下煙,都知道係壞習慣會危害健康,希望大家千祈唔要學!(講過戒煙?)我冇講過! 18歲被撞破食煙而上雜誌封面,嗰份報導話我應承媽咪以後唔再食,不過我冇許過呢個承諾,因為我從來都唔鍾意講一啲做唔到嘅事。」

欣宜決心做自己,唔理外界眼光,不過食煙始終有損健康,其實欣宜亦有擔心影響生小朋友:「應承咗大家做返自己,我嘅人生已經冇秘密(幾時戒煙?)到結婚或者準備有小朋友嘅時候一定會戒!」

欣宜表明做返自己,俾人見到食煙亦都唔介意,身形翻脹嘅欣宜仲成為鬼佬殺手添!

欣宜同攝影師男友 Silas感情穩定,兩人不時被影到拍住拖行街,好 sweet㗎!《蘋果日報》圖片

欣宜新歌〈你瘦夠了嗎?〉又跳又唱,仲勁擘朝天一字馬,身體力行證明肥妹跳舞冇難度!《蘋果日報》圖片

欣宜事前嚴選兩位重磅級肥妹伴舞, MV至今已經高達 50萬點擊率!網上圖片

《蘋果日報》圖片

鄭少秋同肥姐喺欣宜得 8個月大嘅時候已經離婚,欣宜仲話每次收到爸爸封利是都係又大又厚,至於問到覺唔覺秋官只識用錢解決問題而無關心自己,欣宜即時護住爸爸:「每個人表達愛嘅方法都唔同,唔可以咁 harsh對佢!」

都係肥好啲!

欣宜同肥妹之名幾乎掛勾,雖有試過變瘦嘅時候,但始終天生易肥焗減好辛苦!家陣豁出去,咪輕鬆晒囉!

只有 13歲的欣宜,喺電視台食住腸仔等肥姐,夠晒經典。《蘋果日報》圖片

2005年,欣宜扮公主錫吳卓羲成為一時熱話,不過欣宜嗰時 EQ已好高,完全唔介意。《蘋果日報》圖片

03年,欣宜擔任修身堂代言人,身形係最 fit時候,當時仲出埋一本減肥日記。圖片

欣宜拍攝電視劇《隔離七日情》時,身形已經開始翻脹,不過手腳仲算瘦。

身形一路膨脹,去年欣宜終於表明自己唔會再減肥,亦得到大批網民支持。網上圖片

鍾意就快D Share啦!
Related Posts Plugin for WordPress, Blogger...