【金像獎】最佳新演員：《金雞sss》王菀之
2015-04-19 20:23:00
由樂基兒任評審之最佳衣著獎得主，男方由梁朝偉奪得，女方則由吳君如奪得。
今次「第三十四屆香港電影金像獎頒獎典禮」，王菀之破晒紀錄，一個人憑三部電影提名「最佳新演員」。由舒淇偉仔頒獎，但兩人顯然對白頗「搵嘢嚟講」，舒淇自言曾是新人，偉仔即謂:「我仲係新人，心態上係。」舒淇問佢:「咁係咪可以去得盡啲、冇包袱？」偉仔話:「希望係。」舒淇再問:「片酬都係新人價？」偉仔即話:「你講呢啲？」舒淇即話:「咁我哋講得獎名單。」偉仔就話:「咁都好啲。」
新人獎結果由《金雞sss》王菀之奪得。佢話呢個感謝辭好易讀，因為都係人名。包括鄒凱光、鄭丹瑞、葉念琛，又感謝曾合拍兩片嘅黃偉文，以及好友張敬軒、薛凱琪等，並感謝王祖藍俾機會佢拍劇，教佢面對鏡頭。同時王菀之特別感謝電影伯樂吳君如，最後又想送一句出自藍奕邦手筆嘅歌詞:「遇上你太感恩 不遲亦不早」
Ivana之後喺後台訪問，佢表示：「有好多未有機會多謝嘅人，之後會喺網上多謝番。」問佢點解將致謝詞攝喺件衫內？佢話：「做開演唱會有經驗，鍾意左攝右攝，自己覺得好方便又安全，唔會跌咗，因為做演唱會時表現手忙腳亂。」
而吳君如喺後台見到Ivana，亦有吻賀﹑擁抱對方，又捽Ivana玉手，君如仲話：「畀我摸下你先。」
「最佳新演員」提名名單:
王菀之《Delete愛人》
王菀之《分手100次》
王菀之《金雞SSS》
蔡潔《香港仔》
張雪芹《點對點》
(資料圖片)
(電視圖片)
(電視圖片)
|
鍾意就快D Share啦！
|
|
|
