張栢芝一個人要養晒全家，其實好攞命，所以幾時都話，明星係表面風光。
栢芝老竇鬍鬚勇近年身體大不如前，加上爛賭，曾經令栢芝孭上「江湖姦殺令」最近有傳欠債，真係沒完沒了。栢芝媽好女十八嫁，母女好感情到，要栢芝幫手照起埋栢芝媽嘅男朋友。
至於兩個細佬，張栢文同張豪龍，一向都靠家姐照起。不過多年來，張豪龍都好啲，不時幫家姐擋記者，反而栢文就唔生性有出冇入，之前仲傳佢買車向栢芝報大數，吞咗80萬，又難怪栢芝嬲㗎。栢芝家姐戴碧芝，不時為栢芝照顧仔仔，最好係佢。
栢芝一家大細都靠佢，偏偏佢近年做咗票房毒藥，又俾向太鬧爆，你都咪話唔頭痕!
