2015年5月15日 星期五

細細粒 原來勁富貴 [忽然1周 - 1033] 細細粒,MW,



條魚未解凍,細細粒已經忍唔住食住先。但係媽咪姐嘅焦點,反而係落咗去佢隻鑽戒同手錶度。

媽咪姐

細細粒 原來勁富貴

細細粒(陳嘉佳)呢兩年喺大台密密拍劇,賺埋唔少,原來佢真係幾富貴㗎!呢日媽咪姐趁住慶祝母親節,去食日式放題,一入門口就見細細粒對住條價值十萬嘅藍鰭吞拿雙眼發光,仲企喺門口等師傅手起刀落,話要做第一個客,試咗先喎!不過媽咪姐對條魚就冇乜興趣,反而細細粒手上嘅鑽戒就閃親媽咪姐,計埋佢手錶同手鈪嗰啲配件,加埋真係貴過條藍鰭呀!







雖然等住食,但係細細粒似乎驚阻到師傅劏魚,企到好開,表情仲好似戥條魚痛。

之前細細粒去上海參觀七寶古鎮,都拎住個 Hermès,好闊太 feel。

鍾意就快D Share啦!
Related Posts Plugin for WordPress, Blogger...