2015年5月16日 星期六

霆鋒被投訴 [忽然1周 - 1034] 霆鋒,謝霆鋒,MW,



上星期霆鋒義賣自家曲奇,為協康會籌咗 100萬。 Mani仲笑佢:「從來冇見霆鋒咁好笑容,好慈父。」

媽咪姐

霆鋒被投訴

一個會煮嘢食嘅男人,已經不得了!仲要煮完可以賺埋錢嘅……霆鋒,點夠你玩呀!搵齊中港台紅星拍《十二道鋒味》之後,霆鋒出埋甜酸苦辣曲奇餅搶 market,真係識做生意到呢。

話咁快,霆鋒同 Mani已經去咗黃山拍《十二道鋒味 2》,據聞新聞人物楊冪會做嘉賓㖭。

不過,早兩日竟然有網友投訴,話滿心歡喜走去買鋒味曲奇,點知等極唔開門,話門口剩低「一堆破碎的心」呀陰功豬!好彩經理人 Mani(霍汶希)即刻解畫話星期日係舖頭休息日,安撫粉絲。謝老闆,生意接唔切,要諗諗計喎!

微博訴苦

有大陸粉絲特登嚟香港買鋒味曲奇,點知摸門釘,即刻影相 post上微博向 Mani投訴。

鍾意就快D Share啦!
Related Posts Plugin for WordPress, Blogger...