2015年5月15日 星期五

前妻改嫁 林敏驄爆兩個仔唔理佢 林敏驄,





其他影片:>>






林敏驄詞作《永不想你》好吊詭,一句「永不想你」其實隱含著「永遠想你」、「怕想起你」。林敏驄經歷過兩次婚姻失敗,依家對愛情睇得好淡,自認「冇咁落力,睇兩眼就知八成」。

不過咁唔等於佢唔重感情,至少家姐林敏怡就得到阿驄重視。由家姐帶入行,阿驄諗起廿幾歲時寫過篇文章,話得三個女人可以令佢流眼淚,就係外婆、阿媽、家姐,依家三代走咗兩代,一世人兩姊弟,緣份總要珍惜。

當年同陳伶俐離婚,兩個仔歸女方撫養,阿驄又轉向行搞笑路線,佢直言:「依家佢哋(指兩個仔)都唔理我。」不可不信遺傳,阿驄後生時亦與父親交惡,直至人大咗,先知血脈相連斬唔斷,所以佢認為「任何心結都有解開嘅時候」,唔執著一時嘅對或錯,加上兩個仔有佢遺傳,一定唔蠢過人,相信總有一日會明白佢。
鍾意就快D Share啦!
Related Posts Plugin for WordPress, Blogger...