2015年5月15日 星期五

KK教你冧 C9! [忽然1周 - 1033] KK,張國強,MW,



KK直頭當咗係自己個 mini concert咁,走勻全場,仲大派禮物,搞到個個情緒鬼咁「膠」漲!

媽咪姐

KK教你冧 C9!

啱啱嗰個星期日( 10日),又係《忽然 1周》一年一度嘅母親節活動,今年請咗師奶殺手張國強( KK)呀!有筍嘢,我媽咪姐梗係第一個到 KK一出場,果然冇令我失望,唱晒成首〈紅日〉,氣都唔喘吓,仲識花言巧語,冧到我哋成班 C9暈得一陣陣。







之後仲有劉玉翠出嚟唱〈花花宇宙〉兼大搞爛 gag﹕「你哋食緊飯呀?我驚你哋會嘔番出嚟喎!」不過佢謙啫,唱到有觀眾自己都忍唔住行上台伴舞就知佢唱得有幾 high

劉玉翠一見到小朋友,即刻母性大發,仲同觀眾爭仔抱㖭,不過……小朋友個樣好似有啲驚驚噃!

最後,由麥玲玲壓軸登場,同現場觀眾玩大抽獎。抽到獎當然開心,不過若然下次可以聽你贈多兩句會仲開心!

鍾意就快D Share啦!
Related Posts Plugin for WordPress, Blogger...