掃呢頁CODE去手機

2015年7月12日 星期日

31歲莊端兒VS半百羅霖 齊齊谷胸露墊 莊端兒,羅霖,



【鬥胸狠】31歲莊端兒VS半百羅霖 齊齊谷胸露墊

2015-07-12 15:37:00



(攝影:陳俊強)

今日半百美魔女羅霖喺酒店為寫真宣傳,活動上仲有唔少藝人撐場,好似莊端兒、陳君宜,寶珮如等等,連羅霖3個仔同媽咪都到場力撐。

莊端兒同羅霖好似風馬牛不相及,佢就話同羅霖係好友,會一齊做運動,好似空中瑜伽,會視對方係目標同榜樣。問佢今日著得咁低胸會否出噴血寫真,佢就話未ready,自己唔夠fit,仲要減。男友介意?佢話:「工作要佢都唔會出聲,如果自己要出,都要減多10磅先,相信公司幫我出嘅都係一本唯美寫真,唔單止係水著,不過我係葫蘆身材,好橫,咁大隻要好瘦先會靚,好彩我減極都唔會縮上圍。」不過莊端兒今日谷胸太勁,唔小心露墊,「主人家」羅霖都一樣,中間開窿裝都唔小心露出胸墊。

陳君宜早前就生咗囝囝,改名鄭嵐升(Ayden)佢話忙於湊仔好少開工出活動,因為自己出門口時見到BB反應係唔捨得佢,羅霖亦係囝囝嘅契媽,O依家4個幾月大,嚟緊可能補搞百日宴。



羅霖老腦燒鬚...唔小心露咗墊



莊端兒谷胸撐場



陳君宜話生咗B後好少開工



鍾意就快D Share啦!