「德望」係傳統女子名校，出過唔少美女藝人！演員代表有鄭裕玲、楊采妮， 港姐代表有朱凱婷（Heidi）、張敬仁（Kendy）、關伊彤，以及張曦雯同 Super Girls嘅Cheronna，都係德望舊生。
上個星期六， 德望六十周年晚宴就喺亞博館擺咗二百幾圍。朱凱婷同張敬仁幫晚宴做MC，雖然佢地唔同屆，但都曾經係合唱團成員，唔怪得做司儀都咁合拍佢兩個齊齊搵校長敍舊，場面不知幾感人。
當晚朱凱婷帶埋囡囡林穎彤（Sheryl）同老公Dickens撐場！而張敬仁就表示能夠同師姐、師妹「四代同堂」慶祝好興奮喎！睇嚟佢哋的確好愛母校喎!
