(9)郭嘉文變臉殺上瀛戰(1)麥明詩
【陳永峯日本直擊】無綫《2015香港小姐競選》昨日安排12位佳麗在日本向國際著名化妝師Michou.學化妝技巧，當中(6)吳慧堯、(7)吳佩欣、「城大學生」(9)郭嘉文及「眼科醫生」(12)朱嘉莉等成功改頭換面，以俏麗妝容示人，電力大增，其中郭嘉文更自誇化妝後似日本女仔，很可愛。反觀「高挑Charlie」(1)麥明詩及其宿敵「寸嘴Ada」(4)龐卓欣被連日緊湊行程「摧殘」後跌晒Watt，慘遭其他佳麗們後來居上！
今屆港姐日本外景昨日進入第五天行程，12位佳麗到東京惠比壽區一家化妝教室，向國際著名化妝師Michou.學化妝技巧，下午則轉往儀態教室接受儀態訓練。佳麗們經過連日來「朝8晚11」的緊湊行程「摧殘」後，現身化妝教室時已顯得有點疲憊，大熱的(1)麥明詩（Louisa）更一臉倦容，其宿敵「寸嘴Ada」(4)龐卓欣（Ada）亦顯得後勁不繼，自爆上堂時精神渙散。
唔夠瞓慘過考試
經大師指導後，佳麗們紛紛換上新妝容示人，原本不算起眼的(6)吳慧堯（Hayton）、(7)吳佩欣（Sylvia）、「城大學生」(9)郭嘉文（Karmen）及「眼科醫生」(12)朱嘉莉（Sunshine）等令人刮目相看，電力大增！對於化妝後脫胎換骨，Karmen興奮表示：「導師教咗我哋日式化妝，消化完學咗嘅嘢後，覺得自己都有啲似日本女仔，好可愛。導師提醒我面色比較蒼白，因為平時化慣淡妝，之後會注意化濃啲。（今次行程好辛苦？）係辛苦嘅，但學咗好多嘢，大開眼界。」任職化妝品公司的Hayton，卻自爆甚少接觸化妝，笑言要靠化妝加分：「多謝大家讚我靚咗，覺得信心大咗。雖然自己做呢行，但平時好少化妝，之後會注意多啲。」
跌Watt的Louisa坦承休息不足：「咁大個女最辛苦係呢次，平均每日都係瞓5個鐘，以前讀書考試幾辛苦都會畀足8個鐘自己休息，咁先有充足精神應付。」問到化妝經驗，Louisa說：「由細到大都好少化妝，直至去外國讀大學，多咗交際機會，所以先學，都係上YouTube睇片學。（有冇遇過烏龍事？）朋友笑我化妝淡，化咗好似冇化。導師都話我有高低眉，要注意平衡。」
(4)龐卓欣眼袋黑
同樣一臉疲憊的龐卓欣大呻說：「聽日仲要再早啲起身，4點。今日上堂好想集中精神撐住，咁大個女最辛苦都係呢次，但辛苦得好有價值。」Ada稱導師指其眉妝畫得太深：「導師話我化到兩條蟲咁，原本以為自己化妝都算OK，依家先知原來化得唔靚。嚟到日本覺得唔夠休息，眼袋仲愈嚟愈黑，都有問導師點補救。」
港姐等你起底
爆料熱線：3600 1022
爆料傳真：3600 1000
爆料email：ent@on.cc
|
鍾意就快D Share啦！
|
|
|
