2015年7月22日 星期三

DSE失手 轉戰台灣大學 血癌女鬥士:我一定得! [FACE - 426 - 大專校園] 癌,MF,



Yanki媽媽曾簽過多次做手術的生死狀,知道囡囡未能升讀本地大學也表現得相當高興,「佢身體健康最緊要,佢去台灣讀書我仲可以去旅行順便探佢,不知幾好!」

Main Camp

DSE失手 轉戰台灣大學 血癌女鬥士:我一定得!

中學文憑試( DSE)上周三( 15日)放榜,電視台新聞例牌講「接過成績單後,有人歡喜有人愁」,一邊影住成績差的同學抱頭痛哭;一邊影住班攞 5**狀元跳起 yeah,話自己想做醫生乜乜乜,一成不變。

不過對於應屆考生、十九歲的許欣琪( Yanki)而言,即仗成績與大學入學最低要求( 3322)仍有一段距離,她仍能處之泰然。

只因 Yanki四歲患上血癌,小五時第三次癌症復發前,婆婆和爸爸先後離世,許媽媽為照顧女兒更放棄自己的小生意,十多年來出入醫院照顧囡囡。經歷過生死邊緣, Yanki直言 DSE真係濕濕碎, Yanki早已報了四間大學的社工課程及台灣的大學, Yanki好開心話:「台灣東吳大學社工系收咗我,四年後可以返香港讀社工系碩士就可以做註冊社工,我一定得嘅!」

Yanki槳於分享自己的經歷,即使放榜前後,大台《東張西望》拍攝隊全程跟實,她都沒有拒}。

Yanki四歲患上血癌,童年都在醫院度過,她自言卡通片比其他小朋友看得多,因為在病房裏不是睡覺就是看卡通,日子難過得很。在小學階段,欣琪血癌復發過三次,「我一星期最多返到三日學,隔日就要請假,有時上上吓堂會暈要入院,不過我小學成績唔錯,入到精英班,以前媽咪對我成績要求好高, 80幾分都又罵又打,但電療後記憶力轉差,上堂會好易攰,對得電腦耐對眼會好澀,成績點都有影響。不過同學都好好又好肯教我,就算我光頭去學校都唔驚。」

最愛台灣

一年前 Yanki與家人同遊台灣,「我好鍾意台灣,空氣好好,啲人又熱情,所以嗰時就計劃去台灣讀大學!」

病剩 70磅

兒時, Yanki很少機會可以到處走,所以即使去花卉展,她都表現得相當雀躍。

「我十歲個年,醫院要我抽骨髓驗,我就知今次大鑊,不停喊,唔肯去醫院,以往電療化療都做過晒,甩頭髮都習慣,但知道要抽骨髓真係好驚,唔係怕痛,係知道復發過幾次,知道生存機會唔大!」幸好找到適合欣琪的骨髓,移植骨髓時兩個月沒有進食,單靠營養液維持生命,令體重暴跌至 70磅,雖然 Yanki現已完全康復,但有骨枯及白內障兩種後遺症。

經歷過生死邊緣,升中後的 Yanki希望可以將勤補絀,補習又狂溫書,「我讀間中學(沙田呂明才)好勁,又係英中,自己能力真係未到,我早就預咗自己入唔到本地大學,所以一早睇定台灣啲大學,一嚟台灣近,阿媽探我都方便啲;二嚟台灣學費平,一年唔過三萬蚊,阿媽負擔冇咁重。我去到會住喺學校僑生宿舍,先適應咗生活先再搵兼職。」

一心讀社工

Yanki事事早就做好準備,許媽媽說:「欣琪一早搵晒資料報定名一心讀社工。雖然佢自己唔滿意個成績,不過我好滿意喇,出國去台灣讀大學喎,已經叻過媽咪」 Yanki又堅持回港再讀碩士,誓要取得註冊社工的資格,「我一定得嘅!太多人幫過我啦,我都想透過自己嘅經歷幫人!」

社工陪放榜

多年在醫院, Yanki都得社工開解及幫助,放榜當日,社工 Mimi(右)亦全程陪伴,陪 Yanki走出重重難關,所以令她立志成為社工,延續助人使命。

考入台北東吳

位於台北的東吳大學是台灣私立大學中排名第二,加上學校環境清幽,是不少港生的熱門之選。

成績好都唔讀醫

個個狀元都揀醫科,不過有兩個高材生就例外,以理學院為目標,原來呢個時代仲有人真心想做科學家!

網上圖片

來自男拔萃 17歲的雷千泓( Owen),憑住歷年參加科學比賽的成績同海外科學交流的經驗,成功打動科大理學院破格取錄,成為第二位毋須應考 DSE而直接取錄的學生。他希望可以繼續做科研,做個成功的科學家。

《蘋果日報》圖片

喇沙出品的黃澤鉅就成為今年全港年紀最小的 DSE學生, 15歲的他考獲四科 5**、 1科 5*及 2科 5級的成績,會以中大理學院為入學目標。

鍾意就快D Share啦!
Related Posts Plugin for WordPress, Blogger...